Waliyê Musilê li dijî êrişa îro ya balefira bê mirov a dewleta Tirk a dagirker ku tê de pênc kesan jiyana xwe ji dest da, nerazîbûn nîşanda.
Waliyê Musilê Necim Cibûrî derbarê êrişa balefira bê mirov a dewleta Tirk ya li navçeya Telafer a Musilê pêkhatî de axivî û got: “Di encama êrişa îro de yek jê jin pênc kesan jiyana xwe ji dest dan.”
Derbarê nasnameya balefirê de Necim eşkere kir ku balefira bê mirov a Tirkiyêye û got:
“Em bi tundî vê êrişê şermezar dikin ku ewlehiya vê parêzgehê dixe metirsiyê.”
Di dawiyê de waliyê Musilê daxwaz ji hikûmeta Iraqê kir ku li beramberî van êrişên Tirkiyeyê nerazîbûnê nîşan bide.