Şêniyên Tebqayê, Pêngava Mirovî û Ewlehiyê û Operasyona Sondê silav kir û piştgiriya xwe bi hêzên ewlehî û leşkerî re anî ziman.
Şêniyan diyar kirin ku divê hemû gelê Bakur û Rojhilatê Sûriyê piştgiriyê bidin hêzên ku şerê terorê û sixûran dikin.
Pêngava “Mirovî û Ewlehiyê” ya ku Hêzên Ewlekariya Hundirîn bi piştgiriya YPJ, QSD’ê da destpêkirin li Kampa Holê dewam dike.
Li aliyê din jî operasyona sondê a bi armanca qelandina sîxûrên dewleta Tirk jî bi awayekî serkeftî dewam dike.
Der barê van mijaran de şêniyên Tebqayê pêngav û operasyon silav kir û piştgiriya xwe bi hêzên ewlehî û leşkerî re anî ziman.
Hevserokê Dîwana Edaleta Civakî ya Tebqayê Mûtez El Sûdan diyar kir ji ber xemseriya civata navneteweyî, Rêveberiya Xweser û QSD’ê ev pêngav ragihand û got:
“Rêveberiya Xweser pabendî peyman û pîvanên mafên mirovan e”
El Sûdan destnîşankir ku divê hêzên aktîf û dadgehên navneteweyî erkên xwe bi cih bînin û ev bang li wan kir:
“Li gorî benda 7`an a peymana Neteweyên Yekbûyî hemû niştecihên li kampa Holê vegerînin welatên wan û dadgeheke cezayan a navneteweyî ava bikin.”
Hevseroka Yekitiya Rewşenbîran a Tebqayê Şeza El Hisên jî der barê mijarê de axivî û piştgiriya xwe anî ziman.
El Hisên bi lêv kir ji bo parastina îstiqrara herêmê ev pêngav girînge û got:
“Em ê bi hêzên xwe re li dijî kesên hewl didin ewlehiya gelê me tevlihev bikin, bisekinin.”
Nivîskar Mehmûd El Îsa yê ji Tebqayê jî bal kişande ser giringiya operasyonê a di heman demê de ji bo têkbirina piştgiriya dewleta Tirk a ji DAIŞ’ê re.
Mehmûd El Îsa bang li civata navneteweyî kir ku piştiriya Pêngava Mirovî û Ewlehiyê bike
Bavê şehîd Îbrahîm El Şêx, Mihemed Şêx ê ji Tebqayê diyar kir ku ew bi Operasyona Sondê re ye û bang li QSD’ê kir ku li dijî sîxuran cezayên herî giran bibirin.
Dayika şehîdê bi nasnav Yehya El Şiêb, Xewla El Şêb jî da zanîn ku divê hemû gelê Bakur û Rojhilatê Sûriyê piştgiriyê bidin hêzên ku şerê terorê û ajanan dikin.
Bavê şehîd Îbrahîm El Şamî, Mehmûd El Şamî piştgiriya xwe bi QSD’ê re di Operasyona Sondê re anî ziman û got:
“Heta ku xaka me ji hemû hevkarên dewleta Tirk û dewletên hewl didin aştiya me ya navxweyî têk bibin, were paqijkirin, em ê heta dawiyê piştevanên QSD`ê bikin.”
Welatiyê bi navê Ehmed Edullah jî anî ziman ku di hemû waran de ew piştevanên QSD`ê ne û ew ê di oxira parastina ewlehî û îstiqrara herêmê de, berdêlên giran bidin.
Di dawî de Welatiya bi navê Rexed El Elî jî axivî û spasiya hêzên ewlehiyê kir ku bi hemû derfetên xwe parastina ewlehî û îstiqrara herêmên Bakur û Rojhilatê Sûriyê dikin.
