Li Efxanistanê rewş gihaye astek wiha ku ti Înî bê teqîn derbas nabe.
Li paytext Kabule li dijî herêmeke ku piraniya wan ji baweriya Şîî teqînek bihêz pêk hat.
Di teqîna navendek enstituya perwerdê hate armanckirin de, piraniya wan xwendekarên amadeyî herî kêm 19 kes mirin.
Îro careke din paytexta Efxanistan Kabul bi teqînan hejiya.
Li paytexta Efxanîstan Kabulê di êrîşa xwekujî ya li dijî enstîtuyeke perwerdehiyê de herî kêm 19 kes mirin û gelek jî birîndar bûn.
Rayedarên navenda perwerdehiyê diyar kirin ku li navendê xwendekar dema di ezmûnê de bûn teqîn pêk hatiye.
Heta niha ti alî berpirsyariya teqînê negirtiye ser xwe.
Li gor nûçeya Reutersê Berdevkê Polîsê Kabulê Xalid Zadran ragihand ku 27 kes birîndar bûne.
Berdevk diyar kir ku li welat dibistan rojên Înê girtî ne û got;
Piraniya kesên jiyana xwe ji dest dane xwendekarên di dema êrîşê de di ezmûnê de bûn.
Berdevkê Wezareta Navxwe ya Talîbanê Ebdul Nafî Takor got;
Êrîşkirina ser armancên sivîl “hovîtîya nemirovane ya dijmin û nebûna pîvanên exlaqî nîşan dide”.
Teqîn li navenda perwerdehiyê ya Kaajê ya li taxa Daşt Barçî ya rojavayê bajêr pêk hat.
Li herêma teqîn pêk hatî, pêkhateyên Hzazra lê zêde ne.
Beriya niha ji li herêmê gelek êrişên wiha pêk hatibû.
Çeteyên DAIŞ’ê piraniya wan êrişan li xwe girtibûn.
Talîban di Tebaxa 2021’an de kontrola welat xistibû destê xwe.
Tevî Talîbanê îdia dikir ku ewê aramiyê li welat vegerîne jî lê heta niha ev yek pêk nehatiye.
Ji ber dinava vê sala welat birêve dibin de, çeteyên DAIŞ’ê bi dehan teqîn li welat pêk anîn.
Par beriya Talîban welat kontrol bike, careke din li dijî dibistaneke xwendekarên keç ya li Deşta Barçî êrişek pêk hatibû.
Di êrişê de, 85 kes miribûn û bi sedan jî birîndar bûbûn.
