Endama Koordînasyona PAJK’ê Ronahî Serhad di kesayeta Nagihan Akarsel û Gurbetellî Ersoz de tevahî şehîdên azadiyê bir bîr anî.
Ronahî Serhed destnîşan kir ku Nagihan di dil, mejî û hebûna xwe de xeta azadiyê afirand û got:
“Nagihan bi şoreşa zihniyetê re şoreşa jinê ava kir. Ti êriş wê nikaribe têkoşîna azadiyê a jinan têk bibe.”
Akademîsyen, nivîskar, şoreşger û rojnamevana Kurd Nagîhan Akarsel 4’ê Cotmehê li Silêmaniyê ji aliyê dewleta Tirk ve hate qetilkirin.
Endama Koordînasyona PAJK’ê Ronahî Serhad bi gotarekê bi bîr anî, dijminê jin û Kurdan û hevkarên dewleta Tirk şermezar kir.
Ronahî Serhad anî ziman ku tevahî jinên Kurdistanî, rêxistin, sazî û kesayetên jinan bi şehîdxistina Nagihan re helwesta xwe veguherandin çalakî û têkoşînê û ev nirxandin kir;
“Çawa ku qetilkirina Jîna Emînî ji aliyê dewleta Îranê ve li Kurdistanê û tevahiya cîhanê bû sedema nerazîbûneke mezin a jinan, jin vê carê jî ji bo hesabpirsîna ji kuştina şoreşa Kurd a li Silêmaniyeyê daketin qadan. Ti hêz, komkujî, êşkence, zext wê nikaribe bi jinan.”
Ronahî Serhad balkişande ser kesayeta Nagihan û têkoşîna ji bo zanîsta jinê jineolojiyê dayî û got:
“Hevala me Nagîhan Akarsel jî ji pêşengên vê şoreşa mejî bû. Di dil, mejî û hebûna xwe de xeta azadiyê afirand, bi şoreşa mejî re şoreşa jinê ava kir.
Ew Sakîne Cansiz, Roza Luksembûrg a ciwan bû di vê sedsala 21’ê de. Dema ku zanistiya jinê bi pêş ve bir, ne tenê teoriya azadiyê pênase kir, di heman demê de hewl da wê bixe meriyetê.
Têkoşîna ku li Bakurê Kurdistanê da destpêkirin li Rojava, Şengal, Mexmûr û Başûrê Kurdistanê dewam kir.”
Ronahî Serhed: Nagihan mîrateya dîrokî ya jinê di dilê xwe de neqişand
Endama Koordînasyona PAJK’ê diyar kir ku Nagîhan Akarsel pêwîstiya Başûrê Kurdistanê ya bi şoreş a jinê bi kûrahî dît, ji dil de bi jin û civaka başûrê Kurdistanê re bû yek û fikrê azadiyê şînkir û wêrek kir û got:
“Kêfxweşiya xwe ya herî mezin ew bû ku jinan bigihîne azadiyê. Bi hêvî bû, armanca xwe ya azadiyê mezin bû.
Mîrateya dîrokî ya jinê li dilê xwe neqişand. Ya ku ev hêz dida wê jî îdeolojiya rizgariya jinê û felsefeya azadiya jinê ya Rêber Apo bû.
“Rojnamevanên jin wê li ser şopa Gûrbetellî û Nagîhan bimeşin”
Ronahî Serhad sersaxî ji endamên Akademiya Jineoloji û rojnamevan re xwest û got,
“Rojnamevanên jin li ser rêya Gûrbetellî Ersoz û Nagîhan Akarsel wê bi ser dijmin, xayin, noker, mêtinger û zilmê ve bimeşin.
Em ê her fîşekê ji aliyê îdeolojîk, siyasî û leşkerî ve di hebûn, mejî û dilê desthilatdariya faşîst a AKP-MHP’ê de biteqînin ku dijminê jinê ye, dijminê demokrasî û azadiyê ye.
Ronahî Serhed: Jin wê bi rengê Sara û Rûken bibin tirsa dilê dijmin
Em ê bi dirûşma ‘Jin, Jiyan, Azadî’, bi germahiya fîşeka destpêkê ya 15’ê Tebaxê, weke jinên ku li Mersînê bi rengê Sara û Rûken li dijî dijmin bûn fedaî, em ê tirsa dilê dijmin bin.
