Krîza koçberan, Parîs û Roma anîn pêşberî hev.
Wezîrê Karê Hundir yê Fransa Dermanin ji ber helwesta Îtalya ya li hemberî 234 koçberên li Derya Spî ew rawestandîn rexne kir.
Dermanin ev yek weke gaveke ‘derveyî mirovahiyê’ pênase kir.
Trajediya koçberên li ser rêya Ewropa bi dawî nabe.
Koçberên ku keştiyên wan bi zorê xwe gihandin peravên Ewropa vê carê ji aliyê wan welatan ve rastî helwesteke tund tê.
Herî dawî 234 koçberên li nava Derya Spî hatibû rizgakirin 20 rojan li peravên Îtalya hatibûn rawestandin.
Wezîrê Karê Hundirîn yê Fransa Gerald Darmanin li ser mijarê axivî.
Gerald Darmanin, anî ziman ku ew ê koçberên navborî li Bendera Toulon a Leşkerî pêşwazî bikin.
Darmanin, da zanîn ku koçberên navborî nikarin ji navenda rêveberiya li Fransayê derkevin û got,
Piştî kontrola tenduristiyê ya koçberan, ew ê derbasî muayeneya Yekîneya Îstixbarata Navxweyî ya Fransayê (DGSI) bibin.
Li wir wê têkildarî kesayeta wan lêkolîn were kirin û paşê wê bi wan re hevpeyvîn bê kirin ka gelo mafê wan yê penaberiyê heye yan na.
Wezîr Darmanin diyar kir ku ji sêyan duyê van koçberan li 9 welatên Ewropayê ku di nav wan de Almanya, Bulgaristan, Luksemburg, Xirwatya û Norwêc jî hene werin belavkirin.
Yên ku mafê wan yê penaberiyê nîne jî wê vegerin welatê xwe.
Darmanin bal kişand ser civîna wezîrên karên hundir ên Ewropayê yên di rojên pêş de û got,
“Îtalya bi awayekî gelekî nemirovane tevger kir.
Rayedarên Îtalyayê ne profesyonel bûn, 20 rojan ev keştî bêbiryar hiştin.
Helbet wê hin encamên wê derkevin holê.”
Wezîrê Fransî dazanîn ku ji bo parastina sînorê deryayî yê Fransa-Îtalya 500 polîs hatine erkdarkirin.
Çapemeniya Fransî ragihand ku rayedarên Parîsê ji ber pirsgirêkên tenduristiyê destûr dane 4 kesên di keştiya ku 234 koçber tê de bûn ji Fransayê bên derxistin.
Her wiha di çapemeniyê de agahî hat dayîn ku di nava koçberên di keştiyê de 57 zarok û 20 nexweş hene.
Darmanin ragihandibû ku Fransa di çarçoveya bernameya xwe ya belavkirina koçberan de pêşwazîkirina 3 hezar û 500 koçberên ji Îtalyayê rawestandiye.
