Artêşa Rûsya li nava xaka Ukrana berdêla hesabên xwe yên şaş dide.
Piştî têkçûna wê ya li bakurê welat, niha li rojhilatê welat jî derbên xurt dixwe.
Xerson ya ku yek ji 4 herêmên Rûsya weke parçeyek xaka welat ragihandî jî destê wê derdikeve.
Wezareta Parastina Rûsya ragihand ku tevahî hêzên wan ji Xersonê vekişiyane.
Kîev jî ji vê vekişîna hêzên Rûsya bi fikare û difikire ku ev yek xefike.
Di hema 9 a şerê li Ukraynayê de planên Rûsya navhev ketine.
Rûsya ya ku tenê karî beşek ji xaka li rojhilatê welat bidestê xwe bixe, niha jî hêdî hêdî ji van herêman vedikişe.
Herêma Xerson ya ku xwedî stratejiyeke sereke ye, ji destê Rûsya hat derxistin.
Rûsya ji herêma Xerson vekişiya
Berdevkê Wezareta Parastinê ya Rûsyayê Îgor Konaşenkov derbarê rewşa dawî de bi daxuyaniyeke çaepemeniyê agahî parve kir.
Wezareta Parastinê ya Rûsyayê ragihand ku leşkerên wan ji herêma Xersona ya Ukraynayê ku demeke dirêj kontrol dikin bi temamî vekişiyan e.
Li gorî rapora ajansa nûçan a Rûsî TASS`ê, wezaretê îro di daxuyaniya xwe ya çapemeniyê de ragihand ku hemû hêz û alavên Rûsî ji Xersonê ber bi rojhilatê çemê Dînpro ve hatine veguhestin.
Wezaretê dazanîn ku vekişîn li gorî saeta Moskowê saet di 05:00 pêk hatiye.
Moskow li tengavbûna hêzên xwe yên li Xersonê mikur hat
Moskow got,
Ji îro pê ve yek leşkerek rûsî li berava rojavayê çemê Dinpro ku paytexta herêma Xerson jî lê ye, nemaye.
Têkildarî kuştin di dema topbaranê de ti daxuyanî ne hat dayîn.
Rûsya li wê yekê mikur hat ku hêzên wan ji ber tengav bûne vekişiyan e.
Kîev difikire ku vekişîna ji Xersonê xefik e
Ukrayna jî ji rewşa heyî bi baldarî dişopîne.
Kîev gumana dike ku ev yek xefikek li pêşberî wan be.
Kremlîn: Xerson hîna parçeyek ji xaka welat e
Berdevkê Kremlinê Dmitri Peskov îro di daxuyaniyekê de ragihand ku vekişîna wan ji Xersonê wê di statuya wan ya li herêmê de ti guhertina çêneke û ew Xersonê hîna weke parçeyek xaka welat dibîne.
Rûsyayê piştî referanduma meha Îlonê, Xerson û sê herêmên din ên Ukraynayê bi awayekî neqanûnî bi xwe ve girêda.
Welatên Rojava û Kîev anîn ziman ku referandûm di bin zextê de pêk hatiye û li dijî hiqûqa navneteweyî ye.
