Welatiyên Hewlêrê li dijî bombeberan û topbaranên Îran û Tirkiyeyê yên li ser xaka Başûrê Kurdistanê nerazîbûna xwe anîn ziman û diyar kirin ku dewleta Tirk berdewam xaka Kurdistanê bombebaran dike û li dijî êrişan daxwaza yekîtiya neteweyî kirin.
Welatiyê Hewlêrê Sîrwan Necim diyar kir ku rojane xaka Başûrê Kurdistanê tê topbaran kirin û got:
“Rojane welatî ji aliyê dewleta Tirk ve tên hedef girtin.
Lewma daxwaz dikin ku hikûmeta Başûrê Kurdistanê û Iraq li hemberî van êrişan helwestê nîşan bide.”
Welatiyê bi navê Sefadîn Ehmed êrişên dewleta Tirk şermezar kir û got:
“Gelek dijminên gelê Kurd hene.
Welatên Tirkiye û cîran dijminên gelê Kurd in.
Divê gelê Kurd û rêveberên Kurd li hemberî dijmin yekgirtin hebe.
Xaka Kurdistanê ji dagirkeran biparêze.”
Welatiyê bi navê Tehsîn jî wiha axivî: ”
Divê gelê Kurd û hêzên siyasî li hemberî dagirkeran û dijmin yekdeng û yek helwest bin.