Li gorî salên bihurî, ji serê sala 2022’an heta niha bi li Başûrê Kurdistanê û Iraqê herî kêm 700 bûyerên kuştin û xwekuştinê pêk hatine.
Ji ber veşartina bûyeran mirov nikare amarên zelal bi dest bixe.
Malbat û rayedarên herêmê van bûyeran bi rewşên civakî ve girê didin û serdigirin.
Li Başûrê Kurdistanê û Iraqê ji ber hişmendiya baviksalar gelek jin ji mafên xwe bêpar in.
Li wir sucên kuştin û şewitandina jinan her ku diçe zêde dibe.
Li beramber vê jî tu hewildanek cidî ji bo pêşîgirtina li kuştin û tundiyê tune ye.
Jinên ku tên kuştin nûçeyên derbarê wan de wekî bûyerên xwekujiyê tên pêşkêşkirin.
Navenda Mafê Mirovan a Iraqê destnîşan kir ku ji serê salê heta niha 700 bûyerên kuştin û xwekuştin li Iraq û Başûrê Kurdistanê hatine tomarkirin.
Li Başûrê û Iraqê di rojê de herî kêm 150 doz tên dîtin.
Di meha destpêkê ya sala 2022’an 22 jin hatin kuştin.
Her du rojan jinek tê kuştin û rojane jin rastî tundiyê tên.
Li Başûrê Kurdistanê û Iraqê herî kêm di du hefteyan de 7 jin ji aliyê hevjîn û kesên herî nêzî xwe ve tên kuştin an jî dawî li jiyana xwe anîn.
Jinên ku rastî tundî û kuştinê tên jî piraniya wan di temenê di navbera 20 ta 30 saliyê de ye.
Her wiha ji sedî 28 li Başûr û Iraqê jin di temeneke biçûk de tên zewicandin.
Wezareta Rewşenbîrî û Lawan a Başûrê Kurdistanê îsal daxuyaniyek dabû ku divê nûçeyên li ser kuştin û tundiya li dijî jinê neyên weşandin.
Ji ber ku rê li ber metirsî û fikaran vedike.
