Waşîngtonê Enqere hişyar kir û bi eşkereyî got:
Eger tu ji bo cezayên li ser Rûsya binpêkirina pêk bênî wê werî cezakirin.
Koordînatorê Cezayan ê Wezareta Karên Derve ya Amerîkayê Balyoz James O’Brien diyar kir ku ew li bendê ne Tirkiye biryarên cezayên li dijî Rûsyayê bi cih bîne.
O’Brian ji nûçegîhanên saziyên çapemeniyê yên navneteweyî re, derbarê geşedanên dawî yên li ser cezayên li dijî Rûsyayê de agahî da û piştre bersiva pirsan da.
Balyozê Amerîka da zanîn ku bi cezayên berfireh yên li dijî Rûsya hatine ferzkirin encam girtin e.
James O’Brien derbarê têkliyên navbera Rûsya û Tirkiyê de nirxandin kir.
O’Brain anî ziman ku di rewşek ya Tirkiye cezayên li ser Rûsyayê binpê bike de, ew ê hem li dijî hikumet û hem jî li dijî karsazên wan cezayan ferz bikin.
Hate gotin, ev yek bi awayekî zelal ji rêveberiya Enqerê re hatiye gotin.
YE, Enqere hişyar kir
Di vê navberê de, Yekîtiya Ewropayê (YE) di biryarnameya ku vê hefteyê li Konseya Karûbarên Giştî hat qebûlkirin de, bang li Tirkiyê kir ku li gorî cezayên ser Rûsyayê hatine sepandin tevbigere.
Enqerê piştî vê yekê careke din girêdana xwe ya bi cezayên li ser Rûsya hatine ferzkirin dubare kir.
Borrell: Tirkiye cezayên ye li dijî Rûsya binpê dike
Li aliyekî din, gotara ku Nûnerê Bilind ê Têkiliyên Derve û Polîtîkayên Ewlekariyê yê YE Josep Borrell ji Parlamentoya Ewropayê re şandibû hefteya borî di çapemeniya Alman de hatibû weşandin.
Di nûçeyê de hat diyarkirin ku Borrell fikarên xwe anî ziman ku cezayên li ser Rûsyayê hatine sepandin bi rêya Tirkiyê dikarin bên binpêkirin.
Di gotarê de tê gotin, Tirkiye beşdarî cezayan nebûye û berovajî vê têkiliyên xwe yên aborî yên bi Rûsyayê baş kiriye.
Erdogan û Borrell hatin pêşberî hev
Şefê rejîma Tirkiyê Erdogan li dijî vê yekê bertek nîşan da û got:
Borrell ne mixatabê me ye.
Têkliyên me yên bi Rûsayayê re tu nikarî diyar biki.
YE li ser paketa 9. a cezayên dijî Rûsya lihev kirin
Di vê navberê de Lîderên YE li ser paketa 9. a cezayên li dijî Rûsya lihev kirin.
Her wiha yek ji xalên din yên li ser hat lihevkirin jî paketa alîkariya 18 mîlyar euro ya bo Ukraynayê bû.
