Desteya Jin a herêma Firatê salek serkeftî li pey xwe hişt. Rêvebera Desteya Jin a herêma Firatê Cîhan Derwîş kar û xebatên desteyê ên sala 2022’an nirxand û got:” Desteya Jin a herêma Firatê bi armanca alîkarî û piştgiriya bi jin û zarokan re, Îsal 7 projeyên girîng pêk anî û ji bo sala nû jî gelek projeyên me yên girîng hene”.
Di nava modela Rêveberiya Xweser de reng, rol û hebûna jinan bi rengekî eşkere xwe dide der.
Di nav de bi taybetî Desteya Jin ku yek ji desteyên bingehîn e û yekser bi mijarên girêdayî jin re mijûl dibe.
Rêvebera Desteya Jin a herêma Firatê Cîhan Derwîş projeyên ku Desteya jin di nava salekê de pêk anî nirxand.
Cîhan Derwîş: Desteya jin bi rêbazên cuda mafên jinan diparêze
Cîhan Derwîş diyar kir ku Desteya Jin yek ji desteyên bingehîn a pergala Rêveberiya Xweser e.
Cîhan Derwîş: Gelek projeyên me ji bo sala 2023’an hene
Rêvebera Desteya Jin a herêma Firatê Cîhan Derwîş di dawiya axaftina xwe de projeyên sala 2023’an wiha eşkere kir: Ji bo 2023`an gelek projeyên me hene.
Biryara Desteya Jin ew e ku heta pêdiviya herêmê bi danîngeh û baxçeyan hebe, wê werin vekirin.
Ji ber vê wê di sala nû de li rex 10 danîngeh û baxçeyên heyî, 2 cihên din jî werin vekirin.
Wê bi navê koordînasyona jinan avahiyek û bi navê Desteya Jin, avahiyeke din ji bo danîngeh û baxçeyan werin avakirin.
Em ê 2 kargehên fêrkirina dirûtinê li Kobanê û bajarokên wê vekin.
