Di rewşa erdhejê de, ya derketî ewe ku xemsariyek zêde ya rejîma Tirkiyê heye.
Vê xemsariyê êşên civakê jî qat bi qat zêde kiriye.
Li Semsûrê welatiyê binavê Ahmet Şahîn li ber kavilan li piyê dayîka xwe ya jiyana xwe ji dest dayî dinêre.
Li Dîlokê jî welatî bi xwe birînên xwe dipêçin.
Bajarê Semsûrê bû yek ji wan bajaran ku bandoreke giran a erdheja Bazarcix a Mereşê li ser çêbû.
4 rojin ji derxistinê zêdetir hîna jî nayê zanîn ka çend kes dibin kavilan de ne.
Heta niha herî kêm 800 cenaze ji bin xerabeyan hatine derxistin û daxuyaniyên fermî jî tenê ji gotina “xebat dimeşin” pêk tê.
Qîrînên ji bin xerabeyên bilind dibin, tenê ji hêla xizmên wan ve hatin bihîstin.
Welatiyê bi navê Ahmet Şahîn ku piyên dayika wî di bin kavilan de xuya dikin wiha dibêje:
“Ev bû sê roj li wir e.
Mirî ye lê em dixwazin êdî cenazeyê xwe defin bikin.
Kes nayê, heke dewlet bûya dê seriyekî li vir dabûya.”
Kesên ku di bin xerabeyan de li xizmên xwe, hevjîn û zarokên xwe digerin, bi navên wan bang lê dikin.
Dîlokî 4 rojin bi xwe birînên xwe dipêçin û cenazeyan derdixin
Li Dîlokê jî rewş heman e.
Navçeya Nûrdagi ya Dîlokê jî di bin bandora erdhejê de maye.
Li gundê Keferdizê yê Nûrdagiyê ku 3 hezar nifûsa xwe heyî hema bêje xaniyek ku hilneweşiyabe nîne.
Li vir ti saziyeke dewletê ya dest bi xebatên derxistin û xelaskirina welatiyan kirî nîne.
Xelk bi derfetên xwe hewl dide cenazeyê xwe ji bin kavilan derxe.
Tevahiya gund keferdizê yê dîlokê hilweşiyaye
Mesût Soylû yê ji Balikesîrê ji bo piştevaniya xizmên xwe hat gund diyar kir ku pismamê xwe û hevjîna wî bi destê xwe ji binê kavilan derxistiye.
Soylû diyar kir ku gund bi temamî hilweşiyaye û got:
“Dewletê vir ji bîra kiriye.
Tu alîkarî neşandiye vir.
Tu tîmên xebatê neşandiye. Xelkê me bi derfetên xwe hewl dide birînên xwe bipêçin. Xelk birçî û tî maye.”
4 Roj derbas bûn hê jî mirov di bin kavilan de ne
Ji şêniyên gund Mahmût Soylû jî da zanîn ku tevî ku 4 roj bi ser erdhejê re derbas bûne hê jî mirov di bin kavilan de ne û wiha got:
“Em xwe bi xwe cenazeyên xwe derdixin.
Xelk avê di sîtilan de dikelinin û cenazeyan dişon û defin dikin.
Me kemçeyan kirê kir û didin xebitandin.
Mazota wê qediya û kemçe sekinî.”
Welatiyên ku hêviya xwe ji deshilatê qut kirîn, bi derfetên xwe hewil didin kesên bin kavilan derxînin.
