Di demekî li Bakurê Kurdistan û Tirkiyê welatî hewil didin bi destê xwe birînên xwe bipêçin de, rejîm ji bo pêşîgirtina vê her tiştî dike.
Bi destê rejîma AKP-MHP’ê biryara rewşa awerte hate ragihandin.
Biryar îro di rojnameya fermî de hate weşadin.
Muxalîf jî dibêjin ev biryar tenê ji bo pêşîgirtina alîkariyê ye.
Di demekî ku ji her derê gel bi hewara mexdurên erdhejê ve diçe, rejîma deshilat ji bo pêşî li vê yekê bigre rewşa awerte ragihand.
Biryara Rewşa Awarte (OHAL) ku li 10 bajaran ji bo 3 mehan hate îlankirin di meclisê re derbas bû.
Biryara di Meclisê re derbas bû, di Rojnameya Fermî de hate weşandin.
Li gorî vê wê rewşa awerte ya îro bi 10’ê sibatê re kete meryetê wê heta 3 mehan li Edene, Semsûr, Amed, Dîlok, Hatay, Mereş, Kilîs, Meletî, Osmaniye û Rihayê derbasdar be.
“Bi rewşa awerte re dixwazin pêşî li alîkariyê bigrin”
Li herêma Botan ya ku herî zêde ji bo mexduran ketiye nava seferberiyê ji biryarê bihêrs e.
Li gel ragihandina Rewşa Awarte li gelek bajaran alikariya ku ber bi herêmên erdhêjê ve çû hat astengkirin.
Li Kurdistanê ku ji bo piştevaniya mexdûran seferberî hatiye îlankirin, alîkarî didom in.
Partiyên siyasî û rêxistinên civakî yên Botanê bertek nîşanî ragihandina rewşa Awerte dan û gotin, desthilat di bin erdhêjê de maye.
Gungem: Pêşiya alikariyê vekin
Hevserokê Partiya Demokratîk a Gelan (HDP) yê Şirnexê Abdullah Gungen bertek nîşanî biryarê da û wiha got:
” Em bi hev re rojên giran derbas dikin.
LÊ tevî vê jî şûna ku em bêtir ji herêmên erdhêjî çêbûye alîkariyê bikin Rewşa Awerte hate ragihandin.
Ev biryar mirov dike nava fikaran de.
Em ê xebatên xwe û piştevaniya xwe bidomînin.”
Îrmez: Bi rewşa awerte re dixwazin kêmasiyên xwe veşêrin
Hevserokê Partiya Herêmên Demokratîk (DBP) Zekî Îrmez jî bi lêv kir ku desthilat AKP-MHP’ê di bin kavilên erdhêjiyê de ma û wiha got:
“Kareseteke gelek mezin li ser gelê me çêbû.
Rewşa Awerte ji bo pêşîgirtina alîkariya bo gel tê komkirin e.
Divê ku em bi xwe birînên xwe bipêçin û piştevaniya xwe mezintir bikin.”
‘Li şûna rewşa awerte karasatê îlan bikin’
Rêveberê Egitîm-Senê Adnan Şenbayram anî ziman ku divê demildest li cihên ku erdhêjî çêbûye wekî herêmên karasetê bê îlankirin û got:
“Em hemû ji erdhejê bandor bûn.
Em dibêjin herêmên ku erdhej lê zerar dîtine; ne rewşa awerte bila weke herêmên karesatê bên ragihandin.
Bila alîkariyên lezgîn werin, kî çi ji destê wan tê bila bihêlin ku alikariyê bikin.
Gel vê ji me hêvî dike.”
Ji ber polîtîkayên dewleta Tirk hêjmara qurbaniyan kêlî bi kêlî zêde dibe
