Hovîtiya dewleta Tirk û çeteyên wê li Efrînê dewam e. Çeteyan êşkence li Muxtarê gundê Telfe yê Cindirêsê kirin û Efrîniyên bi navê Delîl Mihemed neçar kirin ku mala xwe vala bike. Her wiha Komeleya Ixwanî dest bi avakirina mêtingeha bi navê Gundê Elqeteriya kiriye.
Sûc û kiryarên hovane yên dewleta Tirk a dagirker û çeteyên xwe li Efrîna dagirkirî bê navber dewam dikin.
Çete tevî kareseta erdhejê; sucên derheqê xelkê Efrînê de dewam dikin.
Efrîn POST ragihand ku çeteyan êşkence li Muxtarê gundê Telfe yê Cindirêsê ê bi navê Îmad Zênile ku temenê wî 59 salin kirine.
Hincet jî ew e ku ji hin malbatên çeteyan ên li malên Efrîniyan hatine bicihkirin re gotiye ku divê vala bikin da xwediyên xwe têkevin êşkence hatiye kirin.
Nîdal Omer ê Efrînî ji aliyê çeteyên Sultan Mûrad ve hate revandin
Her wiha çeteyên Sultan Mûrad jî welatiyê bi navê Nîdal Omer ê 39 salî ji gundê Qer Gula navçeya Bilbilê revandine.
Çeteyan bi armanca mala Omer tê de ye û xwediyên wê li başûrê kurdistanê ne desteser bikin ew revandine.
Ew mal jî ya xizmên Omer ê Efrînî ye.
Çete Efrîniyan neçar dikin ku malên xwe ji wan re vala bikin
Çeteyên Ehrar Elşerqiyê jî ji ber wêneyekî hevjîna wî ya çek di desta de dîtine, gef li welatiyê bi navê Delîl Mihemed xwarin.
Çeteyan ji Mihemed re gotine ger tu mala xwe vala nekî, em ê hevjîna te bibin girtîgehê.
Delîl Mihemed neçar maye ku mala xwe ji çeteyan re vala bike.
Firotina malên Efrîniyan dewam dike
Her wiha yek ji kesên ku ji aliyê çeteyan ve li Efrînê hatiye bi cih kirin û ew bi xwe ji Heyan e, avahiyeke du qat li hember 1500 dolarî firotiye.
Ew avahî jî milkê Ebdo Erenda ye.
Mêtingeha bi navê gundê Elqeteriya li navçeya Şiyê tê avakirin
Li gorî Tora Çalakvanên Efrînê jî dagirkeriya Tirk mêtingeheke nû a bi navê Gundê Elqeteriya ava dike.
Hate diyarkirin ku Komeleya Şam a Ixwanî bi projeya avakirina mêtingehê rabûye.
Komeleyê ragihandiye ku ev mêtingeh ji bo qurbaniyên erdhejê hatiye avakirin, lê belê ya rast ji bo guhertina demografiya herêma Efrînê ji dema dagirkeriyê ve dest pê kirine.
Diixwazin bi vê jî xelkê Cindirêsê dest ji malên xwe berde û li şûna wê mêtingehên mezintir ava bikin.
