Hevserokê Daîreya Têkiliyên Derve ya Rêveberiya Xweser a Bakur û Rojhilatê Sûriyeyê Bedran Çiya Kurd bang li hikûmeta Şamê kir ku rewşa mirovî nexin mijara bazarên siyasî.
Piştî erdheja ku li Rojava, Bakûrê Kurdistan û Sûriyê pêk hat Rêveberiya Xwesr ji bo hawar mexdûrên erdhejê re biçe pêngava alîkariyê da destpêkirin.
Hevserokê Desteya Têkiliyên Derve ya Rêveberiya Xweser a Bakur û Rojhilatê Sûriyeyê Bedran Çiya Kurd têkildarê mijarê ji ji ajansa Firatê re axivî.
Bedran Çiya Kurd anî ziman ku felaketa erdhejê li heremê rewşeke giran a biêş derxist holê.
Çiya Kurd diyar kir ku ew bi alîkariyê mirovî dixwazin vê êşê sivik bikin lê helwestên siyasî dibe asteng û ev nirxandin kir:
“Nahêlin alîkarî derbasê herêmên erdhejê bibe.
Astengiyên mezin datînin pêşiya alîkariyên me.
Bi helwestên siyasî ve bandor li ser alîkariy mirovî kirin.
Ji ber vê nêzîkatiyê bi xwe re encamên nebaş anî..
Eger bi vî rengî nebûya, di dema xwe de dest li rewşê bê bihata werdan bi hezaran mirov dikarîbûn bihatina rizgarkirin.
Ji ber vê siyaseta hikûmeta şamê bi hezaran kes nekarîn bêne rizgarkirin û di binê xirbeyan de jiyana xwe ji dest dan.”
Çiya Kurd: Rewşa mirovî kirina bazareke siyasî sûc e
Bedran Çiya Kurd ragihand ku helwesta Rêveberiya Xweser a Bakur û Rojhilatê Sûriyeyê ji roja destpêkê ve şênber bû û got:
“Rêveberiya Xweser amadeye alîkariyê bigîhîne mexdûrên erdhejê û di vê çarçovê de ket nav gavên pratîkî, alîkarî şand.
Ne Hikûmeta Şamê ne jî dewleta Tirk helwesteke welê nîşan nedan
Ne jî destûrê didin ku alîkariya hatiye amadekirin bigihêje mexdûrên erdhejê. Rewşê mirovî kirina bazarên siyasî sûceke mirovî ye”
“Hikûmeta Şamê alîkariya ji bo taxên helebê dixe mijara bazarê”
Bedran Çiya Kurd balkişand li ser polîtîkayên ambargoyê yên li ser Şêxmeqsûd, Eşrefiyê û Şehba jî û ev nirxandin kir:
“Rejîm alîkariya ji bo van herêman asteng dike, dike mijara bazariyê
Hikumeta Şamê, rejîma Tirkiyeyê û komên ser bi wê ve divê alîkariya mirovî nekin meseleyek siyasî.
Bila deriyên sînor vekin û rê bidin ku alîkarî bigihêje mirovên mexdûrên erdhejê.
Eger ev neyê kirin hingî metirsî li ser jiyana bi hezaran mirovî heye.
Lewma divê her kes bibe alîkar ji bo alîkarî bigihêje mexdûrên erdhejê.
Bedran Çiya Kurd dazanîn ku wan ji bo derbaskirina alîkariyên mirovî karê dîplomatîk, hemû aliyan re danîn ku alîkrî bigîhîje mexdûrên erdhejê re.
