Partiya Çepên Kesk yê bi mehane li qadê bi gel dicive, îro jî li bajarê Sema Yûce Agiriyê û Tirkiyê mitîngên bi heybet li dar xist. Li qadan berteka gel ya li dijî tecrîda girankirî ya li ser Rêber Apo û pirsgirêkên civakî di asta herî jor de bû. Hevseroka Giştî ya HDP’ê Pervîn Bûldan yê Mêrsînê bi gel re bû bal kişande ser kombûna girseyê û got:“Ev wêne nîşana wê yekê ye ku gelên Tirkiyê li vî welatî alîgirê guherîn û veguherînê ne.”
Partiya Çepên Kesk li bajarê Sema Yûce Agiriyê bi tevlêbûna bi deh hezaran kesan mîtîngek li dar xist.
Mîtîng bi silavên dayika Sema Yuce, namzetên parlamenteriyê û nûnerên partiyê ji girseyê re dest pê kir.
“Berxwedana we mizgîniya azadiyê ye”
Piştre Namzetên parlamenteriyê yên bajêr jî ku xitabê xelkê Agiriyê kirin, gotin:
“Berxwedana ku hûn li vê derê raber dikin, mizgîniya azadiyê ye.
Ev coşa we, tirsê dixe nava dilê îktîdara faşîst a AKP-MHP’ê.
Herî dawî jî namzetê parlamenteriyê yê Agiriyê Sirri Sakik axivî.
Sirri Sakik: Niha dema hesapirsînê ye
Sirri Sakik tiştên di hilbijartinên rêveberiyên herêmî yên di sala 2014’an de li bajar qewimîn bi bîr xist û got:
“Niha dema hesapirsînê ye.”
Siyasetmedarê Kurd Ahmet Turk jî ji ber nexweşiya xwe nekarî tev li mitîngê bibe û peyameke bi dîmen şand.
Mitîng li ber stranên şehrîbana Kurdî bi dawî bû
Piştî axaftinan, mitîng li ber stranên hunermend Şehrîbana Kurdî bi dawî bû.
Partiya Çepên Kesk li Mêrsînê mitîngê li dar dixe
Ji Mîtînga mêrsîn-bi çûna Erdogan wê bihara rastîn were
Li bajarê Mêrsîn yê Tirkiyê jî di çarçoveya mîtîngê de alên partiya Çepên Kesk li jor bûn.
Hevseroka Partiya Demokratîk a Gelan (HDP) Pervîn Buldan jî di nav ge gelek siyasetmedar amade bûn.
Berteka gel a li dijî tecrîdê di asta herî jor de bû
Li qada civînê ku bi hezaran kes lê amade bûn, bi pankartan bal kişandin ser gelek pirsgirêkên civakî.
Her wiha berteka gel ya li dijî tecrîda girankirî ya li ser Rêber Apo jî di asta herî jor de bû.
Bi destpêkirina mîtîngê siyasetmedarên ku axivîn diyar kirin ew ê di 14 Gulanê de dîrokê binivîsînin.
Pervîn Buldan: Ev wêne nîşanêya guherîn û veguherînê ye
Hevseroka Giştî ya HDP’ê Pervîn Bûldan jî, anî ziman ku ew ê di 14’ê Gulanê de hikûmeta AKP-MHP’ê bişînin û wiha got: “Ev wêne nîşana wê yekê ye ku gelên Tirkiyê li vî welatî alîgirê guherîn û veguherînê ne.
Wêneya ku dê li vê xakê çîrokeke nû bê nivîsandin ev e.”
Pervîn Buldan: Hilbijartinen 14’ê Gulanê dê çarenûsa me biguherîne
Pervîn Bûldan anî ziman lewra roja 14’ê Gulanê girîng û dîrokî ye û got:
“Hilbijartinek e ku dê çarenûsa me biguherîne.”
Mîtîng bi awazên hunermend Îlkay Akkaya bi dawî bû.
