Piştî hilbijartinên serokkomarî û yên giştî yên li Tirkiyê HDP’ê dest bi pêvajoya jinûvesazkirinê kir.
Sedema bingehîn a destpêkirina pêvajoya jinûvesazkirinê ya HDP’ê jî rexneyên hilbijêrên wê ne.
Rêber Apo beriya niha ji bo HDP”ê diyar kiribû ku xwe li hemberî bandora derdor biparêzin û ger ku HDP li gor xeta sêyemîn tevbigere wê encamên gelek mezin bi dest bixe.
Partiya Demokratîk a Gelan HDP piştî hilbijartinên serokkomarî û yên giştî dest bi pêvajoya jinûvesazkirinê kir.
Di vê pêvajoyê de HDP dê bi gel re hevdîtinan bike, pêvajoya rexne-xwerexnekirinê bide destpêkirin
Her wiha bi biryara dawî ya gel re dê kongreya xwe ya mezin li dar bixe.
Sedema bingehîn a destpêkirina pêvajoya jinûvesazkirinê ya HDP’ê jî rexneyên hilbijêrên wê ne.
Bi taybet hilbijêrên HDP’ê têkildarî stratejiya hilbijartinê û pêvajoya diyarkirina namzetan gelek rexne kirin.
Yek ji mijara din a rexneyan jî dûrketina ji fikriyata Rêya Sêyemîn bû.
HDP di 15’ê cotmeha 2012’an de bi mebesta ku hemû derdorên bindest û keda wan tê xwarin di bin heman sîwaneyê de bicivîne hate avakirin.
HPD li ser fikriyata Rêber Apo hate avakirin
Fîkriyata HDP’ê rêveberiya gel esas digire û avakerê vê bingehî jî Rêber Apo ye.
Di hevdîtinên navbera salên 2013-2015’an de Rêber Apo bi Şandeya Îmraliyê re derheqê partiyê de pêşniyar dikir û HDP’ê kir kirdeya siyaseta Tirkiyê.
Li hêla din jî Rêber Apo gelek caran rexneyên xwe yên têkildarî kêmanî û xeletiyên di mijara Rêya Sêyemîn anî ziman.
Rêber Apo: Divê HDP bibe dengê her kesî
Rêber Apo ji bo HDP’ê û Kongreya Demokratîk a Gelan (HDK) pêşniyara avakirina “Meclisa Gelan” kir û got:
Divê partiyeke pratîk a wisa hebe ku ji Edîrneyê heta Colemêrgê bibe dengê her kesî.
Firsendê nedin tu kesî ku vê valahiya çêdibe dagirin.
Divê mirov firsendê nede neteweperweran, CHP û MHP’ê. Bi şovenîzmê nekevin.”
Rêber Apo destnîşan kir ku berpirsyartiyên wan li hemberî derdorên çep û sosyalîst hene û divê HDP bibe partiyeke Tirkiyê.
Rêber Apo: Ger HDP li gor xeta sêyemîn tevbigere wê encamên mezin bi dest bixe
Ji bo çareseriya pirsgirêka Kurd jî Rêber Apo peşniyara xeta seyêmîn li HDP’ê kir û wiha dibêje: Weke mînak ji bo avê H2O lazim e.
Di destê we de çiqas hîdrojen û oksîjen hebe jî heke hûn nekarin du hîdrojen û oksîjenekê bînin ba hev, av jê çênabe.
Min HDP ji bo vê pêşniyar kir.
Ji bo çareserkirina ewqas pirsgirêkan hewcehî bi kadroyên baş heye.
Weke partiya tirk an jî kurd ji hev cihê nekin.
Partiyeke Tirkiyê ya bi modêla nû ye ku gelan, herêman û çandan di hundirê xwe de dihewîne.
Ev partî dê pêşengtiya vê bike.”
