Ji nava Derya Spî, trajediya koçberan bidawî nabe.
Keştiya koçberên Sûrî û çend welatên din dinav de bûn, li peravên Yewnan noqî avê bû.
Piştî vê, 9 kesên ji Misirê ku tê gotin bazirganê mirovan e, hatin binçavkirin.
Ji bo derxistina aqubeta tevahiya koçberan jî xebatên lêgerînê didomin.
Ji ber trajediya koçberên ku keştiya wan li peravên Yewnan binav bûyî, Atîna di alarmê de ye.
Çavkaniyên ewlekariyê yên Yewnan ragihandin ku 9 kesên ji Misrê bi gumana bazirganê mirovan e li Yewnanistanê hatine binçavkirin.
Hate ragihandin ku yek ji kesên hatine binçavkirin kaptanê keştiya noqî binê avê bûye.
Keştiya ku koçber û penaber tê de bûn di şeva 13 û 14’ê Hezîranê de li peravên Nîvgirava Peloponezê noqî binê avê bûbû.
Li gorî bîlançoya fermî 79 kesan jiyana xwe ji dest dan.
104 kes hatin rizgarkirin.
Ji kesên hatin rizgarikrin 47 jê ji Sûriyê, 43Misir, 12 Pakistan û 2 jî Filistînî bûn.
Her wiha piraniya jimara koçberên hatine xelaskirin xurtin.
Li Yewnanistanê ji bo sê rojan şîn hate ragihandin.
Frontex: Beriya keştî noqî avê bibe me Yewnan agehdar kiribû
Li aliyekî din Saziya Parastina Sînoran a Yekîtiya Ewropayê Frontexê îdiayên belkê kirin.
Rêveberê Frontex Hans Leijtens diyar dike ku wan beriya keştiya koçberan binav bibe, Yewnanîstan agehdar kiriye.
Hans Leijtens got:
Wan keştiyek masîgiran ku bi koçberên neqanûnî noqî binê nîvgirava Peloponnesê ya Yewnanîstanê bû dîtin û ji rayedarên herêmî yên Yewnan re ragihandin.
Leijtens tekez kir ku ew rasterast bi balafirê çû Yewnanîstanê da ku zelal bike ka çi qewimî û çawa ew dikarin zêdetir parastinê peyda bikin.
Nayê zanîn ku di keştiyê de çend kes hebûn.
Lê belê li gorî texmînên destpêkê yên Rêxistina Koçberîyê ya Navneteweyî 400 kes di keştiyê de bûn.
Li gorî îfadeya koçberên hatin rizgarikrin jî herî kêm 750 kes hebûn ku derdora 100 ji wan zarok bûn.
Xebata lêgerîna koçberên din yên ku aqubeta wan nediyare didome.
