Konferansa Avhewayê ya Cîhanê (COP28) îsal li Dubayê, tê lidarxistin.
Armanca Konferansa pêşîgirtina xeteriyên li ser cîhanê û parastina avhewayê ye.
Berî Konferansa Dubayê li bajarê Bonn ê Almanyayê li ser rewşa avhewayê civînek hatin lidarxistin.
Lê aliyên beşdrî civînê bibûn negihîştin pêşkeftina ku dihat hêvîkirin.
Îsal Yekitiya Komkara Erebî li Dubayê, malovaniya Konferansa Avhewayê ya Cîhanê (COP28) dike.
Armanca konferansê pêşî girtina li qirêjiya avhewayê ye.
Civîna ku li Almanya hate lidarxistin encamek baş neda
Berî Konferansa Dubayê li bajarê Bonn ê Almanyayê li ser rewşa avhewayê civînek hatin lidarxistin.
Lê aliyên beşdrî civînê bibûn negihîştin pêşkeftina ku dihat hêvîkirin.
Ev yek jî rastî bertekên rêxistinên sivîl ên ji bo parastina avhewa û jîngehê hat.
Rêxistinên avhewa û hawirdorê diyar kir ji ber di nava komên ku beşdar dibe de hemfikrî nîne ji bo encamên baş guman heye.
Li gorî rêxistinê di danûstandinên 10-rojî de pêşkeftina ber bi çav bi dest neketiye.
Harjeet Singh, encamê civînê wekî “Bêhêvîbûnek mezin” binav kir
Serokê Stratejiya Gerdûnî ya Tora Navneteweyî ya Çalakiya Avhewayê Harjeet Singh (Harjît Sîng), ew wekî “bêhêvîbûnek mezin” binav kir.
Harjeet Singh têkîldarî armanca civînê wiha got;
“Me xwest ku danûstandinên avhewayê yên Bonn ji bo Konferansa Avhewayê ya Dubai ronî bikin ji ber ku em bi rastî nekarin bêtir dereng bimînin.”
Singh bi gotinên tund welatên dewlemend rexne kir û wiha domand:
“Gelo em ê cîhanê bixin ser rêgezek rast an em ê ber bi senaryoyek qiyametê ve biçin, fînanse û çavkaniyên ku werin peyda kirin wê diyar bikin.”
Singh, welatên dewlemend bi dirûtiyê tewanbar kir û wiha bidawî kir:
“Di dema ku cîhan dişewite de dixwazin vê bikin pere. Rewşa ku em tê dene eve, kiryareke bêexlaqe.”
“Encamên derketî cihê xemgîniyê ye”
Nûnera Rêxistina Parastina Jiyana Kovî BUND’ê Susann Scherbarth (Sosan Siker-best) jî diyar kir di danûstandin li Bonnê de aloziyek giran heye.
Cihê xemgîniyê ye ku pêşketineke girîng pêk nehatiye.
