Serokê Wagnerê Prîgojîn daxuyandibû ku heger daxwazên wan neyên pejirandin wê bikevin Moskowê.
Pûtîn hevalbendê xwe yê berê Prigojin bi xiyanetê tawanbar kir.
Şemiyê li gor serwîsa çapemeniyê ya Serokatiya Dewleta Belarûsê, Prîgojîn pêşniyaza Lûkaşenko ya “Divê Wagner pêşveçûna xwe ya li xaka Rûsyayê bide sekinandin” qebûl kiriye.
Serokê koma çekdarên Wagner Yevgeny Prigozhin bi awayekî eşkere Wezîrê Parastinê yê Rûsya Sergey Şoygo xist hedefa êrişên xwe.
Prigozhin li dijî Şoygu banga serhildana çekdarî kir.
Piştî vê, yekîneyên ewlekariyê demildest tevgeriyan û der barê Prigozhin de lêpirsîna sûc dan destpêkirin.
Vê yekê rewşa heyî hîn aloztir kir.
Li nava bajarên Rûsya yên nêzî sînorê Ukrayna di saetên şevê de tevgera leşkerî zêde bû.
Wagner: Xemsariya Şoygu leşkerên me dikuje
Prigozhin diyar kir ku ew ê Şoygu bi serhildaneke çekdarî ceza bikin û ji artêşa Rûsyayê xwest ku li ber xwe nede û got:
“Ev ne darbeyeke leşkerî ye, meşa edaletê ye.”
Lê Wezareta Parastinê îdiayên êrişên li ser baregehên Wagner red kir.
Prigozhin bi rexnekirina rêveberiya leşkerî ya ji ber têkçûna şerê Ukraynayê radiweste.
Her wiha ew bi dijîberê Wezîrê Parastinê Şoygu tê naskirin.
Serokê Wagnerê ku xwe weke welatparêzê Rûsya nîşan dide, îdia kir ku ji ber xemsariya Şoygu bi hezaran leşkerên wî hatine kuştin.
Putin hewldanên hêza Wagner weke darbe bi nav kir
Serokê Rûsyayê Vladimir Putin jî bi daxuyaniyekê serhildana çekdarî weke darbeyek li dijî gelê Rûsyayê bi nav kir û wiha got:
“Serhildanên wisa tê wateya ku ji pişt ve li welatê me bixin.
Em amade ne, dewleta xwe biparêzin.
Di nav hêzên Wagnerê de xayîn hene. Wê cezayê wan giran be.”
Aleksandr Lûkaşenko: Prîgojîn pêşniyaza kêmkirina rageşiyê qebûl kiriye
Serokê Dewleta Belarûsê Aleksandr Lûkaşenko daxuyand ku serekê Wagnerê yê koma leşkerên bi pere yên rûs Prîgojîn, pêşniyaza kêmkirina rageşiyê qebûl kiriye.
Lûkaşenko, hevdîtin bi serekê Wangerê Prîgojîn re kir.
Piştî daxuyaniya Serokatiya Dewleta Belarûsê, serokê Wagnerê Prîgojîn jî daxuyand ku wan pêşveçûna yekîneyên xwe daye sekinandin û dê dest bi vegera li kampên xwe bikin.
Dîmenên paşvekişandina hêzên Wagner ji bajarê Rostov a ku doh şevê bi dest xistibûn li medyaya civakî hatin parvekirin.
