Krîza Wagner, Moskow xistiye nava metiresiyê.
Krîza nava artêşê, bû sedema ku Serokê Koma Wager Piragojin li dijî Wezîrê Parastinê yê Rûsya Şoygu serî rake.
Çekdarên Wegner yên bajarê Rostov kontol kirîn, ber bi Moskowê ve ket rê.
Hemwextî vê, Serokê Rûsyayê Vladimir Putin serhildan weke darbeyek li dijî welat bi nav kir.
Di tarîtiya şevê de daxuyaniyek ji nava xaka Ukrayna, Moskow tirsand.
Serokê koma çekdarên Wagner Yevgeny Prigozhin bi awayekî eşkere Wezîrê Parastinê yê Rûsya Sergey Şoygo xist hedefa êrişên xwe.
Prigozhin li dijî Şoygu banga serhildana çekdarî kir.
Li nava Rûsya tevgerekî zêde ya leşkerî heye
Piştî vê, yekîneyên ewlekariyê demildest tevgeriyan û der barê Prigozhin de lêpirsîna sûc dan destpêkirin.
Vê yekê rewşa heyî hîna aloztir kir.
Li nava bajarên Rûsya yên nêzî sînorê Ukrayna di saetên şevê de tevgera leşkerî zêde bû.
Wagner: Xemsariya Şoygu leşkerên me dikuje
Prigozhin diyar kir ku ew ê Şoygu bi serhildaneke çekdarî ceza bikin û ji artêşa Rûsyayê xwest ku li ber xwe nede.
Di daxuyaniya xwe de wiha got:
“Ev ne darbeyeke leşkerî ye, meşa edaletê ye.”
Lê Wezareta Parastinê îdiayên êrişên li ser baregehên Wagner red kir.
Prigozhin bi rexnekirina rêveberiya leşkerî ya ji ber têkçûna şerê Ukraynayê radiweste.
Her wiha ew bi dijîberê Wezîrê Parastinê Şoygu tê naskirin.
Serokê Wagnerê ku xwe weke welatparêzê Rûsya nîşan dide, îdia kir ku ji ber xemsariya Şoygu bi hezaran leşkerên wî hatine kuştin.
Çekdarên Wagner ber bi Moskow ve diçin
Yekîneyeke Komîteya Dijî Terorê ya Neteweyî, (FSB) ji hêzên Wagner xwest ku Prigozhin bigirin û guh nedin fermanên wî.
Lê hêzên Wagner guh nedan wan daxuyaniyan û li başûrê welat bajarê Rostov-on-Don xistin bin kontrola xwe.
Putin hewildanên hêza Wagner weke darbe bi nav kir
Serokê Rûsyayê Vladimir Putin jî bi daxuyaniyekê serhildana çekdarî weke darbeyek li dijî gelê Rûsyayê bi nav kir û wiha got:
“Serhildanên wisa tê wateya ku ji pişt ve li welatê me bixin.
Em amade ne, dewleta xwe biparêzin.
Di nav hêzên Wagnerê de xayîn hene. Wê cezayê wan giran be.”
Hêzên Wagner ber bi Moskovayê ve diçin
Prigozhin jî vîdeoyek weşand û diyar kir eger Şoygû û Serokê Giştî yê Artêşê Valery Gerasîmonov bi wî re rûnenên ew ê ber bi Moskovayê ve bimeşin.
Balafirên Rûsyayê jî baregeh û konvoyên hêzên Wagner bombebaran kir.
Aloziya Rûsya li Ukrayna ji nêz ve tê şopandin
Ev aloziya di nava Rûsyayê de, ji aliyê leşkerên Ukraynayê ve jî ji nêz ve tê şopandin.
Lê şêwazî şopandina wan hineke seyre (ecêb).
