Cenazeyê şehîd HRE’yê Tekoşer Efrîn bi merasîmekê li Goristana Şehîdên Berxwedana Serdemê ya navçeya Ehrizê ya Şehbayê hat veşartin.
Şervanê Hêzên Rizgariya Efrînê (HRE) Tekoşer Efrîn (Gîvara Nesen) di 5`ê Tîrmehê de dema li ser erka xwe bû şehîd bû.
Şêniyên Şehba û koçberên Efrînê cenazeyê şehîd Tekoşer Efrîn bi karwanekî ber bi Goristana Şehîdên Berxwedana Serdemê ya navçeya Ehrizê ve oxir kirin.
Rêveberê Meclisa Malbatên Şehîdan a Kantona Efrîn û Şehbayê axivîn, sersaxî ji malbata şehîd Tekoşer û tevahî koçberên Efrînê û xelklê Şehbayê re xwest.
Rêveberê Meclisa Malbatên Şehîdan anî ziman ku şehîd Tekoşer îsbat kir ku bêyî berxwedan û fedakariyan welat azad nabin.
Piştî axaftinan, wesîqeya şehadetê ya şehîd Tekoşer Efrîn xwend û radestî malbatê kir.
Di dawiyê de cenazeyê şehîd bi dirûşmên “Şehîd namirin” hat veşartin.
