Li Swêdê şewitandina Qur’ana pîroz li nava welatên misilman dibe sedema bertekên tund.
Li paytexta Iraq Bexda konsolxaneya Swêdê hate şewitandin.
Balyoz ragihand ku rewşa kesên li konsolxaneyê kar dikin başe.
Beriya ku li Swêdê çalakiya şewitandina Qur’anê were plankirin, komek xwepêşanderên hêrsbûyî yên li paytexta Iraqê Bexdayê kom bûn, Balyozxaneya Swêdê şewitandin.
Polîsên Iraqî ji bo dorkirina xwepêşandêran ji balyozxaneyê ava şid bikar anîn.
Xwepêşanderek ji ajansa AFP re got:
“Em heta sibê li bendê nebûn, em danê sibehê ketin hundir û me agir berdan balyozxaneya Swêdê.”
Beşdarên xwenîşandana ku ji aliyê alîgirên rêberê olî Muqteda Sedr ve hatibû organîzekirin, Qurana di destên xwe de bilind kirin.
Karmendên balyozxaneyê di ewlehiyê de ne
Dema ku di navbera hêzên ewlehiyê û xwepêşanderên Iraqî de şer derket, gelek agirkuj çûn cihê bûyerê û agir vemirandin.
Nayê zanîn ku di dema êrîşê de balyozxane vala bû yan jî xebatkarên wê hatine veguhestin.
Lê Wezareta Karê Derve ya Swêdê ragihand ku karmendên balyozxaneya li Bexdayê “ewle” ne.
Wezaretê got:
“Rayedarên Îraqî ji parastina nûnertiyên dîplomatîk û personelên wan berpirsyar in.” w
Wezaretê ev êriş weke “binpêkirineke cidî ya Peymana Viyenayê” binav kir.
Iraqê êrişa li dijî balyozxaneyê şermezar kir
Wezareta Karê Derve ya Iraqê jî şewtandina balyozxaneyê şermezar kir û daxwaz ji hêzên ewlehiyê kir ku berpirsên bûyerê eşkere bikin.
Xwepêşandêrên li Swêdê plan dikirin ku îro li pêşberî balyozxaneya Iraq a li Stockholmê kom bibin, ala Iraq û Quranê bişewitînin.
Li gorî medyaya Swêdê, şewitandina Quranê ya roja pêncşemê li Stockholmê ji aliyê penaberê Iraqî Salvan Momika ve hatiye plankirin.
Salvan di Cejna Qurbanê ya 28’ê Hezîranê de li ber mizgefta herî mezin a Stockholmê çend rûpelên Quranê şewitandin.
Piştî vê, alîgirên Sadr li Iraqê avêtin ser balyozxaneya Swêdê.
