Ciwanên ku li Rûbarokê leşkeran li wan xistibû, diyar kirin ku zexta dewletê li gundên wan veguheriye tiştekî kêfî û gotin: “Heke gundî xwe negihandana me, dê leşkeran em bikuştana.”
Li navçeya Elkê yê Şirnexê jî polîsên tîmên taybet ciwan û zarokên ku bi cilên neteweyî çûn dawetê, pêşiya wan girt.
Piştî gundiyan xwe gihand cihê bûyerê, her 4 ciwan ji êşkenceya giran xelas bûn.
Ciwanên Rûbarokê: Leşkeran destên me girêdan û pêl pişta me kirin
Ciwanên rastî êşkenceya leşkeran hatin, tiştên hatin serê wan vegotin:
Yek ji şivanan bilêv kir ku gava vegeriyane leşkeran êrişî wan kiriye û wiha got:
“Leşkeran destên me girêdan û pêl pişta me kir. Em 4 kes bûn, lê ew 20 kes bûn.
Ji ber em nêzî gund bûn, dengê me çû gundiyan û bi hawara me ve hatin.”
“Hingî li me xist, me got wê me bikujin”
Şivanê ku nexwest navê wî eşkere bibe jî diyar kir ku li herêmê tim bûyerên bi vî rengî diqewimin û wiha axivî:
“Gava gundî hatin cem me, leşkeran dest ji me berda.
Gava em ber bi gund ve reviyan, bi çekê bera derdora me da.
Ez dibêjim wê kêliyê fîşekek bi pişta min ve çerixî.
Gava min rapora derbkirinê wergirt min bi israr got fîşek li pişta min çerixiye, lê leşkeran got li te nekitiye û pişta te li kevir ketiye.
“Leşkeran derbê mirinê li me dixistin”
Şivanekî din ê 18 salî jî bilêv kir ku beriya bûyerê bi 2 rojan leşkeran li hin welatiyên din jî xistiye û ev tişt anî ziman:
“Hema bibêje leşkeran derba kuştinê li me dixist.
Di demên dawî de tahdeya leşkeran pir zêde bûye.
“Berî ku kes bimire divê leşker bên cezakirin”
Ciwanê 18 salî xwest ku leşkerên li wan xistiye bên cezakirin û wiha dawî li axaftina xwe anî:
Berî ku kes bimire divê li ser vê bê sekinandin.
Êdî em naxwazin bûyerên bi vî rengî çêbibin.”
Li Elkêya Şirnexê polîsan ji ber cîlên netewî pêşî li ciwan û zarokan girtin
Li aliyek din, li navçeya Elkê yê Şirnexê jî polîsên tîmên taybet ji ber cilên wan ên netewî pêşî li zarok û ciwanan girtin
Polîsên dagirker her pênc zarokên ku dê biçan dawetê, didin sekinandin û berê wan dide diwar.
Li cihê bûyerê welatiyek bi telefona xwe vê kêliyê tomar dike.
Di dîmen de Polîsek tîmên taybet gef li zarokan dixwe û dibêje,
“Ji niha û pê ve dema hûn di nokteya kontrole de derbas bibin, bila nasnameyên we li cem we bin.
Nexwe ez ê ceza li we bibirim.”
Hat gotin ku beriya ku polîs berê zarokan bidin dîwar, li wan dane.
