Li Nîjerê êdî gotin û hesabên dawî têne kirin.
Dema Yekîtiya Aborî ya Afrîkaya Rojava (ECOWAS) dabû cûntaya leşkerî ya li Nîjerê bi dawî bû.
Li hemberî vê yekê cûnta leşkerî jî li dijî her êrişekî amadekariyên xwe dike.
Darbekarên Nîjerê ragihandin ku qada asmanî ya welat li firînê girtin e.
Cûntaya leşkerî ya ku li Nîjerê bi derbeya 26’ê Tîrmehê desthilatdarî bi dest xistibû, li dijî gefa destwerdana leşkerî qada hewayî ya welêt girtibû.
Daxuyaniya cûntaya leşkerî ya doh êvarê di televizyona dewletê de hat weşandin de wiha hat gotin:
Cûnta leşkerî ya Nîjer qada asmanî ya welat girt
“Li hemberî îhtîmala destwerdanê ya ku bi amadekariyên welatên cîran roj bi roj zêdetir derketiye holê, qada hewayî ya Nîjerê ji îro û pêve bo hemû balafiran hatiye girtin.”
Di daxuyaniyê de hat ragihandin ku her hewldana binpêkirina qada asmanî wê “bi awayekî lezgîn û bi hêz” bê bersivandin.
Hemwextî vê, alîgirên darbekaran li stadyumekê piştevaniya xwe bi cûntaya leşkerî re nîşan dan.
Tevî alên Nîjer, alên Rûsya jî hatin hildan.
Yekîtiya Aborî ya Afrîkaya Rojava (ECOWAS) hişyariyek dabû rêveberiya leşkerî ya li Nîjerê ku Serokomar Mûhammed Bazûm berde.
Yekîtiyê di civîna xwe ya 30’ê Tîrmehê de heta hefteyekê dem dabû cûnta darbekar.
ECOWAS’ê diyar kir ku daxwazên wan pêk neyên ew ê hin tedbîrên ku di nav wan de destwerdana leşkerî jî heye bêne girtin.
Niha dema yekîtiyê diyarkirî şevê din bi dawî bû.
Ji aliyê din ve Fransa ragihand ku ew ê “bê dudilî” piştgiriyê bidin her biryarek ku ji hêla ECOWAS ve were girtin.
Di daxuyaniyeke cuda de, Konseya Niştimanî ya Rêvebir ji bo Parastina Welat li Nîjerê ragihand ku “pêşvekirina ji bo amadekariya destwerdanê” li du welatên Afrîkaya Navîn hate dîtin.
Tevî navên welatan nehatin eşkerekirin, hat gotin;
“Her dewletek ku mudaxele bike, wê wekî aliyekî şer were hesibandin”.
15 endamên ECOWAS hene.
Benîn, Cape Verde, Gambia, Gana, Gîne-Bissau, Peravê Fîl, Lîberya, Nîjerya, Senegal, Sierra Leone, Togo welatên endamên yekîtiyê ne.
Endamtiya Burkîna Faso, Gîne, Malî û Nîjerê ji ber derbeyên leşkerî yên li van welatan hatine rawestandin.
