Yenkîneyên Jinên Şengalê (YJŞ) bi daxuyaniyekê piştgiriya xwe bi jinên Efganistanê re anîn ziman.
YJŞ’ê di daxuyaniya xwe de got:
“Pêwîste di serî de em jinên cîhanê û hemu gel , xwe bidin gel hev û bi hevre bertek bidin.
Bi hevre rêxistinên xwe yên hevbeş pêş bixînin.”
Yenkîneyên Jinên Şengalê (YJŞ) bi riya daxuyaniyekê piştgiriya xwe ya bi jinên Efganistanê re anîn ziman.
YJŞ’ê destpêka daxwiyaniyê de kampanya ku KJK’ê dest pêkiriye silav kir û got:
YJŞ: Çeka azadiyê bîrdoziyek xurt e
“Ji bo êrişên tên kirin tenê maxduriyeta xwe dayîna teyîsandin, giliyê xwe kirin, hawara xwe gihandina her derî têrê nake.
Me weke jinên Şingalî vê rastiyê baş fam kirine .
Me fêm kiriye ku gava tofanek tê serê me jinan, ne hêzên dewletê, û ne jî bav û bira nikare me biparêzin.
Heya jin di destê wê de çeka azadî nebe, ne dozên hukukî, ne jî pêçandina çarşefê tu tişt me jinan nikare biparêze.
Bê guman çeka azadiyê di serî de birdoziyek xurt, rêxistinên jinan, hiş û ramanek azadîxwaze û zanistek bê sînore.”
YJŞ: Çareserî hêza civakê ye û taybet rêxistinên jinan e
YJŞ’ê destnîşan kir ku gelek hawirdor dibêje Emerîka derket şunde jinên Efganî kete nava xeteriyê.
“Lê ger Emerîka azadî ji bo jinên Efganî anîba, ewê jinên Efganî îro neketiba rewşekî giran de.
Ji bona wê çareserî ne vegera Emerîka ye û ne jî mudaxeleya dewletên dinyayê ye.
Çareserî hêza civakê ye û taybet rêxistinên jinan e. ”
YJŞ: Pêwîste hemû jin rêxistinên xwe yên hevbeş pêş bixînin
Yenkîneyên Jinên Şengalê eşkere kir ku Pêwîste em hemu jinên Rojhilata Navîn bi şîara zêrîn ‘jin jiyan azadî’ bigihin hev.
Azadî encex di vê derê de ye. Li ser vê erdnigarî bi çanda Aryenîk emê carek din, bi hevre şoreşa jinê ava bikin
Ji bona wê carek din em berxwedaniya jinên Efganî silav dikin û soza parastina mafê jinan didin.
Pêwîstî bi têkoşîn bilindkirinê heye.
Em jinên Êzidî li ser mîrasê şehîdên xwe em xwe bi rêxistin bikin û têkoşîna xwe bilind bikin.
