Li Ukrayna stratejiya şer bi armanckirina xetên girîng yên bo aliyan dijwar bûye.
Rûsya ragihand ku pira Kirim bi Rûsyayê ve girê dide bûye aramanca hêzên Ukrayna.
Moskow îdia kir ku 2 moşek û 20 balafirên bêmirov yên Ukranîyan hatine bêbandorkirin.
Di êrişa Rûsya ya li ser Xarkov û Zaporojiya de, 4 kes mirin û gelek jî birîndar bûn.
Rayedarekî ji Kirima ku di bin kontrola Moskowê de ye got,
Hêzên Parastina Asmanî ya Rûsyayê 2 moşekên Ukraynayê li ser pira Kerçê ku nîvgiravê bi axa Rûsyayê ve girêdide xistin.
Waliyê Kirimê Sergey Aksyonov ku ji aliyê Rûsyayê ve 2014’an ji bo Kirimê hatiye tayînkirin, îro got:
“Hêzên parastina hewayî du moşekên dijmin li ser Tengava Kerçê xistin.
Pira Kirimê zirar nedît.”
Aksyonov, di daxuyaniya xwe ya li ser medyaya civakî de ji gelê herêmê xwest ku bêdeng nemînin.
Di wêneyên li ser medyaya civakî de hatîn belavkirin ku tê dîtin li dora pirê dûman bilind dibe.
Di daxuyaniya cuda ya Wezareta Parastinê ya Rûsyayê de hat ragihandin ku rêveberiya Kîevê hewl daye bi moşekên S-200 li pira Kirimê bixe.
Wezaretê diyar kir ku moşek ji aliyê pergalên parastina asmanî ya Rûsyayê ve hatiye tesbîtkirin û îmhakirin.
Di bûyerê de kuştî û birîndar çênebûne.
Rûsya: 20 Balafirên bêmirov hatine xistin
Berî niha Rûsyayê ragihandibû ku wan 20 balafirên bêmirov ên Ukraynayê li nêzîkî nîvgirava Kirimê xistine.
Wezaretê got;
14 balarên bêmirov bi sîstemên parastina asmanî û şeş jî bi rêyên elektronîkî hatine xistin.
Kirima 2014’an ji aliyê Rûsyayê ve bi xaka welat ve hate girêdan, di tevahiya êrişa Moskowê ya li ser Ukraynayê de bû armanca êrişên Kîevê.
Ev êriş di nava hefteyên dawiyê de bêtir û dijwartir bûn.
Kîev bi dewamî got;
Ew plan dike ku Kirimê vegerîne û pira Kerçê jî bike armanca êrişan.
Ev pir yek ji projeyên ji bo serokê Rûsya Vladimir Putin girîng in.
Rûsya êrişî herêmên Zaporijiya û Xarkovê kir
Li aliyê din di êrişên ku Rûsyayê li herêmên Zaporojiye û Xarkov ên Ukraynayê pêk anîn de 2 kesan jiyana xwe ji dest dan.
Di êrişa hewayî ya Rûsyayê ya li ser Orixov de polîsek hat kuştin û 12 kes jî birîndar bûn.
Di saetên serê sibê yên îro de, di bomberdûmana gundê Vûzlovyî ya herêma Kupîanskê de kesekî temen mezin jiyana xwe ji dest da.
