Dewleta Tirk a dagirker doh 160 penaberên sûrî yên ku bi darê zorê ji Tirkiyê vegerandine li Sûriyê li Girê Spî ya dagirkirî bi cih kirin.
Çavkaniyek xwecih ji Girê Spî ya dagirkirî da zanîn ku dewleta Tirk a dagirker penaberên sûrî yên li Tirkiyê di deriyê sînor re radestî çeteyên xwe kir.
Bi vî awayî çeteyan 160 penaberên sûrî li Kantona dagirkirî bi cih kirin.
Heman çavkanî diyar kir ku penaber ji gundewarê Heleb, Idlib, Dêrazor û bajarên din ên Sûriyê ne.
Ajansa ANHA’yê derbasbûna zêdetirî 900 penaberên sûrî ji nav wan 25 Iraqî ji destpêka meha borî de belge kiribû.
Hejmara penaberên ku li kantona Girê Spî ya dagirkirî hatine bicihkirin, ji destpêka meha Nîsana sala borî de gihîşt 25 hezar penaberî.
