Li Sûriyê ji ber rewşa aborî û biryarên hikûmeta Şamê bertekên gel zêde dibin.
Gireva giştî ya Li Siwêdayê di roja 5’an dewam dike.
Li Derayê jî çalakiyên li dijî rêjîma Esed zêde dibin.
Sala 2023’an, sala herî bi êş e ku bi ser gelê Sûriyê de derbas dibe.
Piştî şerê 12 salan, niha li hemû xaka Sûriyê aloziyek aborî ya pir xirab serwer e.
Şêniyên Sûriyê di peydakirina derbara jiyana xwe ya rojane de, gelek zehmetiyan dikşînin.
Bi taybet li herêmên Hikûmeta Şamê, ji ber biryarên rêjîma Esed, barê şêriyan girantir dibe.
Hikumeta Şamê li şûna ku çareseriyekê ji bo vê kirîzê bibîne, biryarên weke bilindkirina nirxê sotemenî û dermanan dide û aloziyê kûrtir dike.
Gelê Sûriyê êdî hew vê rewşê şiyan dike û di nava vê xizaniyê bijî.
Li gelek bajarên di bin serweriya hikumeta Şamê de, şênî daketin qadan û banga çareseriyekê dikin.
Gireva giştî ya li Siwêdayê di roja 5’an de dewam dike
Girvega giştî ya li Siwêda ya li dijî vê rewşê hatiye ragihandin, di roja xwe ya 5’an de dewam dike.
Roj bi roj tevlîbûna giravê zêde dibe û girev mezintir dibe.
Îro jî bi sedsan şêniyên siwêda û gundên wê li qada El Kerama kom bûn û mêtingek navendî li dar xistin.
Di çalakiyê de banga hilweşîna rêjîma Esed hate kirin.
Çalakvanan banga pêkanîna biryara 2254’an, guhertina siyasî kirin.
Li Derayê banga hilweşîna rêjîma Esed tê kirin
Li Derayê jî çalakiyên li dijî hikûmeta Şamê dewam dikin.
Şevê din li Derayê û çend gundên wê mêtingên gel hebûn.
Çalakvanan banga Hilweşîna rêjîma Esed kirin.
Her wiha banga pêkanîna azadî, dadwerî û rûmetê kirin.
Çalakvanan diyar kirin ku ew ê çalakiyên xwe yên li dijî hikûmeta Şamê dewam bikin heta ku daxwazên wan bi cih werin.
Her wiha bang li şêniyên Dera û gunedwarê wê hate kirin ku tevlî xwepêşandanên ku dê sibê înê bên lidarxitin, bibin.
