Serokê Rûsya Putin ji bo cara yekem li ser çarenûsa Prigojin axivî û rasterast nebe jî mirina lîderê Wagner piştrast kir.
Serokomarê Ukrayna jî dibêje, ti têkliya wan bi kuştina Prigojin re nîne.
Serokê Rûsyayê Vladimir Putin cara yekem li ser ketina balafira li rojavayê welêt axivî ku di nav de lîderê Wagnerê Yevgeny Prigojin jî hebû.
Vladimir Putin di destpêka axaftina xwe de ji malbatên kesên jiyana xwe ji dest dane re sersaxî xwest û destnîşan kir ku Prigojin ê ku navê wî di lîsteya rêwiyan de cih girtiye jî koça dawî kiriye.
Putin diyar kir ku daneyên despêkê li ser bûyerê bidest ketîn de, piştrast dike ku endamên Wagner di balafirê de bûn û got,
“Ez dixwazim destnîşan bikim ku van kesan ji bo doza me ya hevpar a şerê li dijî rejîma Neo-Nazi ya li Ukraynayê, xebatke sereke meşandin. Em vê dizanin û wê ji bîr nekin.”
Serokê Rûsyayê diyar kir ku ew ji destpêka salên 1990î ve Prigojin nas dike û got, rêberê Wagner “şaştiyên mezin” kiriye.
Putin yê Prigojin ku wekî “karsazek jêhatî û çarenûsek tevlihev” binav kirî got:
Ew li derveyî welêt, nemaze li Afrîka û hem jî li Rûsyayê xebitî.
Bi qasî ku ez dizanim duh nû ji Afrîkayê vegeriyabû.
Li wir bi hin rayedaran re hevdîtin pêk anî.”
Hat ragihandin ku roja Çarşemê li herêma Tverê ya 200 kîlometre li bakurê rojavayê Moskowayê balafireke taybet ket xwarê û teqiya.
Di encamê de hemû rêwiyên tê de mirin.
Piştî ketina balafirê hemû çav vegeriya li ser Putin.
Zelensky: Ti têkliya me bi mirina Prigojin re nîne
Serokomarê Ukrayna Volodymyr Zelensky ragihand ku ti têkliya wan bi bûyerê re nîne û got:
Her kes baş dizane ku kê ev yek pêk aniye.
Kremlîn: Sûcdariyên di kuştina Prigojin de destê Putin heye red kir
Kremlîn jî îdiayên derbarê di pişt perdeya kuştina Prigojin de, Putin heye red kir.
Berdevkê Kremlin Dmitriy Peskov got;
“Divê li benda encamên testê bin da ku mirina Prigojin bi teqez were piştrast kirin.
Îdiayên ku dibêjin Prigojin bi fermana Moskow hatiye kuştin, sedî sed neraste.”
