Endamên saziyên sivîl û rûspiyên êlên Reqayê destnîşan kirin ku armanca hedefgirtina dewleta Tirk a dagirker a heremên Bakur û Rojhilatê Sûriyeyê, ji bo ku tola DAIŞ`ê hilîne. Her wiha diyar kirin ku dê bi yekîtiya xwe êrişên li ser heremê vala derxînin.
Şênî û eşêrên heremê li dijî êriş û hewildanên fitneyê piştgiriya xwe ji bo QSD’ê didomînin.
Cîgirê Desteya Serokatiya Meclisa Sivîl a Reqayê Ebdulselam Hemsork derbarê hewildanên fitneyan de axivî û got:
“Dewleta Tirk a dagirker, piştî berxwedana QSD’ê û têkbirina planên wê yên ji bo dagirkirina herêman vê carê dest bi hedefgirtina fermandarên leşkerî û rêveberên saziyên sivîl ên herêmê kir.
Em weke xelkên herêmê, dê li hember êrişan bisekinin, herêmên xwe biparêzin.”
Endama Kordînasyona Kongra Star a Rêveberiya Xweser a Bakur û Rojhilatê Sûriyeyê Fêroz Xelîl jî ev nirxandin kir:
“Dewleta Tirk a dagirker, ji hedefgirtina fermandar û pêşengên herêmê armanc dike ku tola DAIŞ`ê hilîne.”
Rûspiyê êla El Sabxa Tirk El Sewan jî bang li NY û Koalîsyona Navneteweyî kir ku li hember dewleta Tirk a dagirker bisekinin û daxwaze qedexeya qada hewayî ji NY kir.
Di dawiyê de El Sewan teqezkir ku ew ê li hember êrişên li ser herêmê bibin yek.
Rûsipiyên Reqayê: Divê gelê me neyên fitneyê
Rûspiyê êla El Şeîb şêx Elî El Şeîb yê Reqayê jî diyar kir ku ew li dijî hewildanên fitnê ji hêza xwe QSD’ê baldarin û ev nirxandin kir:
“Rêjîma Şamê û alîgirin wê xwest fitinê li Dêrazorê derxînin, ku ewlehiyê û Rêvberiya Xweser têk bibin.
Ji ber ku hişmendiya wan desthilatdarin û ev proje li ser wan xetere ye.
Lê QSD’ê fitine û tevlihevî tunekir û carek din ispatkir ku ew tenê hêza parastina herême ye.
Em Sûrîne û QSD’ê ji ciwanen me pêktê, divê em cûdahiyê nexin navbera kurd, ereb û suryan”
Rûspiyê êla El Mûsa El Zahir Ayid El Hadî jî axivî û wiha got:
” Hin alî bi piştgiriya DAIŞ’ê dixwazin tola wê hilînin û fitin derxînin, ku armî têk biçe û ji nû ve ev çete xwe zîndî bikin.
Divê xelkê me yê Dêrazorê, bi aqilane tev bigerin, guh nedin propagandaya fitnê dike, doza şerê navxwyî dike.”
