Endamê Komîteya Rêveber a PKK’ê Dûran Kalkan tevlî bernameya taybet a televîzyona Medya Haberê bû. Derbarê rewşa başûrê Kurdistanê û Bakûr û Rojhilatê Sûriyê de got:
“Li hemberî petrol û ava Kurdan ji Iraqê xwîna Kurdan tê xwestin. Her wiha li Bakur û Rojhilatê Sûriyê jî ziravê dewleta Tirk a dagirker ji hevkariya di navbera gelên Kurd û Ereb de diqete.”
Endamê Komîteya Rêveber a PKK’ê Dûran Kalkan bernameya taybet a televîzyona Medya Haberê de serdana wezîrê karên derve yê dewleta Tirk a dagirker Hakan Fîdan a Iraq û Başûrê Kurdistanê nirxand.
Derbarê hevdîtina li Hewlêr û helwesta rêveberiya Hewlerê jî Dûran Kalkan diyar kir ku li wê derê rewşeke din diqewime û destnîşan kir ku rêveberiya PDK’ê bi agir dilîzîn û ev tişt anî ziman:
“Sermayedariya ku li heremê dixwaze belav bibe, Kurdistan û Erebîstanê bixe bin bandora xwe heye.
Dixwaze careke din li mêtingeriyê li heremê pêş bixe, lê hêza wê têrî nake.
Berxwedana Kurdan hemû planên wan xera kir û daxist asta têkçûnê.
Ji bo vê jî pêdiviya wê bi hêzê heye.
Li deverê ku hêza wan têr nake, dixwaze PDK’ê bixe tevgerê.
Ew jî dibêjin emê destek bidin û bidin jî. Divê PDK’ê bi agir nelîze.”
Kalkan: Ziravê dewleta Tirk ji vê hevkariya Kurd û Ereban diqete
Kalkan têkîldarî êrîşên li dijî Bakur û Rojhilatê Sûrî jî nirxand û diyar kir ku ziravê dewleta Tirk ji hevkariya Kurd û Ereban diqete û wiha got:
“Pir eşkereye li wê derê şoreşek heye ku pêş dikeve û dixwazin bixeniqînin.
Pergala Netewa Demokratîk pêş dikeve, dixwazin hilweşînin.
Têkîlî di navbera Kurd û Ereban de pêş dikeve, ji bo ku hilweşînin her tişta ji destê wan tê dikin.
Bi gotinek din ziravê wan ji vê hevkariya neteweyî yê Ereb û Kurdan di qete.
Dibînin ev hevkarî pêş de biçe wê êdî nikaribin wan êrîşan bikin.”
Duran Kalkan: Divê Rêveberiya Xweser li Dêrazaroê bi baldarî û xwînsar nêz bibe
Derbarê bûyêrên li Dêrazorê jî Dûran Kalkan diyar kir ku gelek plangerî li ser heremê heye û ev nirxandin kir:
“Dema em lî dîrokê dizivirin, dibînin ku ev der herema surginê ya Osmaniyan e. Komkujî li wê derê kirine.
Niha destê herkesî li vê derê de heye û tahrîk dikin.
Divê Rêveberiya Xweser a Bakur û Rojhilatê Sûriyê bi baldarî û xwînsarî nêz bibe.
Bûyeran baş fêm bike, lîstikan bibine û li hemberî wan baldar be.
