Li Lîbyayê piştî 11 roj li ser felaketa lehiyê re derbas bû rêjeyên ziyanên ku gihiştiye herêmê têne parvekirin.
Hikûmeta Yekîtiya Neteweyî ya Lîbyayê (UBH) diyar kir ku ji sedî 70’ê ziyan gihiştiye binesaziyên herêmê.
Her wiha Saziyên perwerdeyê jî ji sedî 95’ê ziyan dîtine.
Li Lîbyayê 11 roj li ser felaketa lehiyê re derbas bû.
Lê hêjî cenazeyê gelek kesan nehatiye dîtin.
Niha jî rêjeyên ziyanên ku gihiştiye herêmê têne parvekirin.
Hikûmeta Yekîtiya Neteweyî ya Lîbyayê (UBH) li ser ziyanên ku gihiştiye rojhilatê welêt daxuyaniyek da.
Li gorî Hikûmetê ji ber lehiyê ji sedî 70’ê ziyan gihiştiye binesaziyên herêmê.
Saziyên perwerdeyê jî ji sedî 95’ê ziyan dîtine.
Serokê Servîsa Lezgîn a Îdareya Rê û Piran a Wezareta Gihandinê ya ser bi hikûmeta Yekîtiya Neteweyî Huseyîn Sûveydan li ser hesabê xwe yê tora dîjîtal daxuyaniyek weşandin.
Sûveydan diyar kir li rojhilatê welêt ji sedî 70’ê binesaziyê zirar dîtiye û 22 pir hilweşiyane.
Her wiha hate destnîşan kirin ku li bajar û gundên rojhilat ji sedî 80 boriyên ava binerdê û ji sedî 50’yê rêyan xera bûne.
Sûveydan diyar kir rêveberiya rê û piran hemû xebatên ji bo vekirina rêyên alternatîf ên li hemû herêmên rojhilatê welêt temam kirine.
Ji sedî 95’ê saziyên perwerdeyê zirar dîtine
Wezîrê Perwerdehiyê yê Hikûmeta Yekîtiya Neteweyî ya Lîbyayê Musa Mugaryif di civîna çapemeniyê da diyar kir ku li herêmên ji sedî 95’ê saziyên perwerdeyê zirar dîtine.
Mugaryif diyar kir ku 24’ê Îlonê pê ve dibistan dê vebin û got:
“Xwendekarên herêmên ku lehiyê bandor lê kiriye dê li 17 dibistanên Bingaziyê perwerdeya xwe bidomînin.”
Rêveberê Saziyên Perwerdehiyê Elî El-Kuveyrih jî diyar kir ji ber lehiyê li 15 navçeyan bi giştî 114 dibistan ziyan dîtine.
Li Lîbyayê 11 roj ser felaketa lehiyê re derbas bû
Di 10’ê Îlonê de li Rojhilatê Lîbyayê ji ber baranan zêde li bajarên Bîngazî, Beyda, Marc, Sûse û Dernayê lehî rabû.
Ji ber dijwariya lehiyê bi hezaran kesî jiyana xwe ji dest da û hezaran kes jî birînar bûn.
Li bararê Dernayê heta niha jî lêgerîna cenazeyan dewam dike.
Hikumeta Lîbyayê ragihandibû nêzî 3 hezar kes mirine.
Lê Koordînasyona Karên Mirovî ya Neteweyên Yekbûyî (OCHA) jî gotibû 11 hezar û 300 kes mirine.
Lê heta niha jî têkîldarî qurbaniyên felaketê rêjeyeke rast nehatiye parvekirin.
