Bexda ji binpêkirina xaka welat ya ji aliyê Enqere û Tehranê ve bêzar bûye.
Serokwezîrê Iraqê Sudanî got: Ew hemû destwerdanên li ser xaka welat red dikin.
Ev yek çi ji aliyê Tirkiye û çi ji aliyê Îranê ve be.
Di 18’ê Îlonê de Serokwezîrê Iraqê Mihemed Şiya Sudanî li gel şandeya Iraqê ji bo beşdarbûna 78. Civata Giştî ya Neteweyên Yekbûyî çû Amerîkayê.
Mihemed Şiya Sudanî di hevpeyvînek li gel qenalê CNN ya Amerîkayê de li ser rewşa welat ya di warê ewlekarî û aborî de axivî.
Sudanî di derbarê êrişên dagirkeriyê yên Tirkiye û Îranê yên li ser xaka Iraqê de jî teqezî kir ku her destwerdana li ser sînorê Iraqê red dikin, çi ji aliyê Tirkiyeyê yan jî Îranê ve bê kirin.
Sudanî wiha got:
“Em pabendin ku rê nadin ti komek çekdar ji nav xaka Iraqê êrişî welatên cîran bike.
Her wiha hewla pêkanîna komisyoneke ewlekariyê li gel welatên cîran ji bo çareserkiya pirsgirêkan didin.”
Serokwezîrê Iraqê di dewamê de diyar kir ku li gel Tirkiyê di nava guftugoyan dene û ev tişt anî ziman:
“Her êrişa li ser saziyên ewlehiyê bên kirin red dikin.
Di derketina her nêrîn-têbîniyekê de pêwîste bi rêya lijneya hevbeş diyalog li ser bê kirin û çareserkirin.
Biryarên me yên li ser esasê berjewendiyên netewa me hene, em teslîmî xwestekên hinek din nabin û ji serweriya Iraqê tawîzê nadin.”
Sudanî: Guherîna avhewa bandoreke neyînî li diraqê dike
Mihemed Şiya Sudanî di nava axaftinên xwe de balkişand li ser bandorên guherînên avhewayê û wiha pê de çû:
“Guherîna avhewayê li ser Iraqê bûye metirsiyeke rasteqîn.
Ji bo rûbirûbûna qirêjiya jîngehê li ser esasê destnîşankirina çawaniya rûbirûbûna bandoran stratejiyeke niştimanî hatiye diyarkirin ku wê heta 2035’an bidome.
Di warê têkoşîna li dijî bandorên guherîna avhewayê, pêwîstiya me bi pişgiriya Civata Navneteweyî heye.
Her wiha kêmavî bandorek mezin li ser çandiniya Iraqê dike.”
Serokwezîrê Iraqê balişand ser kêmkirina ava Dîcle û Firatê û wiha bidawî kir:
Asta avê ya her du çemên mezin ên Dîcle û Firatê kêm bûye.
Bang li dikin ku bi rêya NY ji bo rubirubûna bandorên guherîna avhewayê lijneyek navnetweyî ji welatên herêmê were pêkanîn.
