Hevserokê Konseya Rêveber a KCK’ê Cemîl Bayik û endamê Konseya Rêveber a Sabrî Ok komploya navnetewî a 9 Cotmehê û tecrîda li dijî Rêber Apo nirxandin û gotin:
Di şexsê Rêber Apo de li Îmraliyê komploya navneteweyî ya bi armanca qirkirina Kurdan dewam dike.
Bayik û Sabrî Ok banga xurtkirina têkoşîna ji bo azadiya Rêber Apo û hesabxwestina ji komplegeran kirin.
Komploya navnetewî a li dijî Rêber Apo di Îlona 1998’an de dest pê kir û 15’ê Sibata 1999’an li Kenyayê bi dîlgirtina wî ket qonaxeke nû.
Hevserokê Konseya Rêveber a KCK’ê Cemîl Bayik û endamê Konseya Rêveber a KCK’ê Sabrî Ok komploya navnetewî û tecrîda giran a li dijî Rêber Apo nirxandin.
Cemil Bayikdestnîşan kir ku komploya li dijî Rêber Apo ji bo armancên siyasî û bîrdozî bû û wiha got:
Fêmkirina komployan di rastiyê de bi fêhmkirina nêzîkatiyên siyasî û îdeolojîk ên li pişt komployê re pêkan e.
Di vî warî de komployên dîrokî bi civakê ve girêdayî ne.
Dema em li hemû komployên dîrokî dinêrin, em dibînin ku komployên li dijî civakê ne.
Cemîl Bayik: Hêzên kapîtalîst ji bo bêbandorkirina Rêber Apo, komplo pêk anîn
Bayik diyar kir ku cûdahiya herî girîng a komploya li dijî Rêber Apo ji komployên din ên dîrokî ew e ku gelek hêz di komployê de cih digirin û ev tişt got:
Yên ku komploya li dijî Rêber Apo pêk anîn, desthilatdarên pergala modernîteya kapîtalîst bûn.
Ji ber ku xeta Rêber Apo azadiya mafan û pêşxistina sîstema jiyana demokratîk li Kurdistan û Rojhilata Navîn afirand pêşbîn kir û planên modernîteya kapîtalîst têk bir.
Cemîl Bayik: Rêber Apo li dijî komployê helwesta herî watedar a dîrokî nîşan da
Cemîl Bayik destnîşan kir ku pêvajoya dîlgirtinê wiha dest pê bû û bi pergala êşkence û tecrîda li Îmraliyê re xwestin Rêber Apo û PKK’ê ji holê rakin.
Bayik destnîşan kir têkoşîna li dijî komployên dîrokî, bi pêşxistina hêza wateyê dikare pêk were û ev yek got:
Rêber Apo 25 salên esareta xwe ya dawî li Îmraliyê bi vê yekê derbas kir, ji bo fêmkirina komployê lêhûrbûnên xwe kûrtir kir û armancên komployê pûç kir.
Camîl Bayik: Azadiya Rêber Apo erka me hemûyan e
Cemil Bayik bal kişande ser xurtkirina têkoşîna ji bo azadiya Rêber Apo û got:
Ji bo mîsogerkirina azadiya Rêber Apo, divê em hê bêhtir têbikoşin.
