Li Amazona Brezîlyayê bêtirî 100 delfînên di çemde mirî hatin dîtin.
Sedema mirina delfînan hêj nayê zanîn, lê tê texmîn kirin ku germahiya zêde bandorker e.
Hefteya borî li Brezîlyayê li daristana Amazonê ya ku ziwabûna zêde lê tê dîtin, zêdeyî sed delfîn mirî hatin dîtin.
Enstîtuya Mamiraua ku saziya lêkolînê ya girêdayî Wezareta Zanist, Teknolojî û Nûjeniyê ya Brezîlyayê ye, ragihand ku roja Duşemê li nêzî Gola Tefe ya ku ji bo masiyên herêmê xwedî girîngiyeke mezin e, 2 delfînên din ên mirî hatin dîtin.
Raporên medyaya xwecihî ragihandin ku bi hezaran masiyên mirî tevî delfînan ji qeraxê çem mirî hatine dîtin.
Li Gola Tefe bi qasî 1,400 delfîn hene.
Pisporan diyar kirin ku di nav hefteyekê de ji sedî 5 heta 10’ê nifûsa delfînan winda bûne.
Sedema mirinan delfînan tê lêkolînkirin
Pisporê Enstîtuya Mamiraua Ayan Fleishmann ku rewşa li herêmê wek “karesata jîngehê” bi nav kir, li ser medyaya civakî daxuyanî da û diyar kir ku ew ji bo fêmkirina sedema rastî ya bûyerê û alîkariya delfînan têdikoşin.
Fleishmann bal kişand ku ziwabûn bandoreke neyînî li gelên li derdora Çemê Amazonê jî dike û wiha got,
“Gelek civak bêyî ku bigihîjin ava paqij û bê gihandina çemê ku amûra wan a sereke ya veguhestinê ye, îzole dibin.”
Enstîtuya Parastina Cîhrengiya Biyolojîk a Chico Mendes a dewletê ku herêmên parastî yên li herêmê bi rê ve dibe, beytar û pisporên zindiyên nava avê şandin herêmê da ku li ser mirinan lêkolîn bikin.
Pispor difikirin ku sedema herî zêde ya mirina golên li herêmê germahiya avê ye.
Li herêma Gola Tefeyê ji hefteya borî vir va germahiya hewayê ji 39 pileyî derbas bû.
