21 roj di ser şerê Hemas û Îsraîlê re derbas bûn.
Bêtirî 7 hezar Filîstînî ê 1400 Îsraîlî hatin kuştin.
20 Hezar birîndar.
Bajarê ku nifûsa wî ji 2 mîlyonan zêdetir e 2 heftene tê bombekirin.
Û cîhan ji bo rawestandina vî şerî ti gavên berbiçav navêje.
Di ser êrişa 7’ê Cotmehê û bombardimana li dijî Xezayê 3 hefte derbas bûn.
Tevî encama kambax a 21 rojên derbasbûyî jî ti nîşaneyên ku wê şerê herdû aliyan raweste xuya neke.
Berevajî her roja derbas dibe, êrişên li dijî Xezayê dijwartir dibin.
Wezareta Tendirûstiyê ya Filîstînê ragihand ku heta niha ji ber êrişên Îsraîlê 7 hezar û 326 kes hatine kuştin.
Ji wan,
bêtirî 3 hezar zarokin.
Hezar 709 jî jin hene.
Wekî din derdora 18 hezar û 500 kes jî birîndar bûne.
Tevgera Hamasê îdîa kir ku ji 224 dîlên êrişa 7’ê Cotmehê, 50’ê wan ji ber êrişên Îsraîlê hatine kuştin.
Lê derbarê nasname û netewa wan de ti agahî parve nekirin.
Di vê navberê de artêşa Îsraîlê ragihand ku hêzên wan vê sibê bi tankan û desteka balafirên şer ketin beşeke ji bajarê Xezay.
Li gorî daxuyaniya artêşê, piştî operasyon û lêgirîneke dem kurt leşkerên Îsraîl ji nava bajêr bekişiyan.
Artêşa Îsraîlê eşkere kir ku wan divê tevgera bejahî de navendên avêtina moşekan ên Hemasê rûxandine û çenD endamên wan kuştine.
Bi vî awayî piştî gefên êrişa bejahî ya Îsraîlê, ev bû cara 2’an ku hêzên wê derbasî nava Xezayê dibin.
Beriya niha jî rêveberiya Îsraîlê ragihandibû ku armanca wan ji ketinên nava Xezayê naskirina cihê dîlên êrişa 7’ê Cotmehê ye.
Hemas: Ji bo berdana Dîlan şerte ku agirbst bê ragihandin
Tevgera Hemasê jî li ser mijara dîlên Îsraîlî daxuyaniyek da.
Hamas dibêje ji bo dîl werin berdan, şerte ku beriya her tiştî agirbest were ragihandin.
Berevajî ne mumkine ku ev dîl yekalî bêne berdan.
Rayedarên tevgerê wekî din îdîa kirin ku dîlên hatine girtin di destê komên cûda ên Filîstînî de ne û ji bo naskirina cihê wan dem lazim dike.
Piştî êrişa 7’ê Cotmehê, Îsraîlê eşkere kir ku bi gitî 229 kes ji aliyê çekdarên Hemasê ve hatine girtin.
Di nava wan de gelek welatiyên biyanî jî hene.
