Li Xeza nexweşxane veduherin morgan.
Nexweşxaneya Şîfa êdî nikare kar bike, nexweşên li nexweşxaneyê jî dimirin.
Hemwextî vê ji Îsraîlê bangên rawestandina şer bilind dibin.
Nexweşxaneya Şîfa ku saziya tenduristiyê ya herî mezin a Xezayê ye, ji ber erê dijwar yê navbera Îsraîl û Hemasê êdî nikare kar bike.
Nexweşxaneya Şifa a Xezayê ji kar hat girtin: Nexweş dimirin
Rêveberiya nexweşxaneyê ragihandin ku 6 jê pitik 9 nexweşan jiyana xwe ji dest dane.
Rêxistina Tenduristiyê ya Cîhanê (WHO) û saziyên din ên girêdayî Neteweyên Yekbûyî (NY) ragihandin ku nêzî 3 hezar nexweş û xebatkarên tenduristiyê li Nexweşxaneya Şîfayê asê mane.
Rêveberê Giştî yê WHO Dr. Tedros Adhanom Ghebreyesus got;
Nexweşxane nikaribin bixebite.
Ji ber nebûna elektirîk, av û xwarinê, ev sê roj in rewş tirsnak û xeternak e.
Rayedarên Hemasê ragihandin ku 9 nexweşên ku 6 ji wan pitik in li nexweşxaneyê mirine û fikar hene ku hêjmara miriyan hîn zêdetir bibe.
Şerê li Xezayê dijwar dibe
Hat ragihandin ku li derdora nexweşxaneya herî mezin a Xezayê şerên dijwar rûdidin.
Di dema ku artêşa Îsraîlê îdia dike ji bo derxistina ji nexweşxaneyê korîdoreke mirovî hatiye çêkirin û 300 lître sotemenî li nêzî nexweşxaneyê ji bo xebitandina jeneratoran hatiye bicihkirin.
Aliyên filistînî dibêjin ev bi têra 15 xulekan jî nake.
Piştî operasyonên leşkerî yên Îsraîlê yên li dijî Xezeyê, Nexweşxaneya Şîfayê jî bû cihê gelek sivîlan.
Lê di vê kêliyê de tê ragihandin ku êdî bijîjk neçar in ku emeliyatan bê narkotîkê bikin.
Îsraîl îdia dike ku çekdarên Hemasê nexweşxane kirine barageha leşkerî ya sereke .
Hemas û xebatkarên nexweşxaneyê vê îdîayê red dikin.
Piştî dorpêçkirina nexweşxaneyê, artêşa Îsraîlê ragihand ku ew ê piştgiriyê bidin derxistina nexweşan, lê têkildarî çawaniya wê agahî parve nekir.
Artêşa Îsraîlê îro ragihand ku di şerê li Xezayê de 2 leşkerên wan yên din mirine.
Bi vê yekê re jimara leşkerên wan yên li Xeza mirî derket 44’an.
Bangên ji bo rawestandina şer zêde dibin
Dewletên Yekbûyî yên Amerîka DYA’yê zextên xwe yên ji bo rawestandina şer ji bo armancên mirovî zêde kir da ku alîkariya lezgîn ji sivîlan re peyda bike.
Ji YE’yê jî bangên bi vî rengî ji Îsraîlê re tên kirin.
Hat ragihandin ku di operasyonên Îsraîlê de heta niha zêdeyî 11 hezar Filistînî mirine û ji sisêyan 2yê miriyan jin û zarok in.
