Faris Îbrahîm Seyîd ku 33 salin li Rojava di nava têkoşînê de ye, diyar kir ku têkçûna serhildanên Kurdan bû sedema bêhêvîtiyê, lê ev yek bi fikrên Rêber Abdullah Ocalan re hatiye guhertin.
Faris Îbrahîm Seyîd ku 50 sal in li Hesekê ye, zarokên wî Seher û Semîr di êrîşa DAÎŞ’ê ya Newroza 2015’an de şehîd bûn.
Parêzer, hiquqnas Faris Îbrahîm ku ji hesekê ye, ev 20 sale karê parêzeriyê kiriye.
Faris Îbrahîm ku di destpêka şoreşê de bi rengekî çalak tevlî karên edaletê yên Rêveberiya Xweser a Bakur û Rojhilatê Sûriyê bû.
Faris anî ziman ku di salên 1990’î de wî Tevgera Azadiyê ya Kurd nas kiriye û wiha got:
“Me PKK’ê weke yekane rêya rizgariyê didît, baweriya me jî xurt bû.
Di salên 1980’î de min navê telebeyan bihîst. Piştî ku ji leşkeriya rejîmê vegeriyam, li Bakurê Kurdistanê Pêngava 15’ê Tebaxê destpê kiribû.
Di salên 1990’î komek ava bû ku ez jî di nav de bûm. Wê komê heta Şoreşa Rojava karên xwe bi rengekî çalak dewam kir.
Koma me ji parêzer û endezyaran pêk dihat.”
“PKK ji serhildanên din cuda bû”
Faris da zanîn ku Rejîma Baas mafê wan ê herî xwezayî jî asteng dikir û wiha axaftina xwe domand:
“Dema ku min dîroka Sûriyê lêkolîn dikir, didît ku ev yek ne tenê li parçeyê Rojava ye, di heman demê de rewş li Bakur, Başûr û Rojhilatê Kurdistanê jî bi heman rengî ye.
Li Rojava ji bo gelê Kurd bikin Ereb, li Bakur ji bo gelê Kurd bikin Tirk, li Rojhilat ji bo gelê Kurd bikin Fars polîtîkayên asîmîlasyonê dihatin meşandin.
Em jî mîna mirovên din ên cîhanê dixwazin bi fikir, çand, huner û siyaseta xwe bijîn.”
“Dîtina Rêbertî hêz û moralek mezin da min”
Faris eşkere kir ku wî di sala 1996’an de çûye qada Rêbertî û wiha behsa wê rojê kir:
” Her carî li herêmê gel li gel me diçûn qada rêbertî, navê min jî derket ez jî çûm.
Weke komên ji Herêma Cizîrê em çûn Şamê û me li wir Rêbertî dît.
Rêbertî nirxand bê gelê Kurd di xeweke çawa de ne, li ser wê yekê axivî bê mirov divê xwe çawa pênase bike.
Em bi menewiyeteke mezin ji qada Rêbertî vegeriyan û bi wo moralê me dest bi karê xwe kir.
Fikrê bêhêvîtiyê yê li nava Kurdan ku piştî têkçûna serhildanên di dîrokê de rû da, bi fikrê Rêber Apo re guherî.”
