Ukrayna bi hewldana ji Rûsyayê paş ve vekîşîne li Moskow û derdorê wê bi balafirên bê mirov êrîşan pêş dixe.
Derbarê êrîşên Ukraynayê de rayedarên Rûsî daxuyanî dan û gotin: “Parastina hewayî, balafirên bêmirov ên girêdayî Ukraynayê îmha kir û her wiha du fuze wan ku li ser Behra Azakê berê xwe dabû Rûsyayê hat xistin.”
Weke bersivdana wan êrîşan Rûsyayê jî bi 75 balafirên bê mirov êrîşî Kievê ya paytexta Ukraynayê kir.
Rûsya ragihand ku Moskow jî di nav de li ser çar herêman girêdayî Ukraynayê balafirên bê mirov û li ser Behra Azakê jî du fuzeyên ku berê xwe dabû welêt xistine xwarê.
Rûsya anî ziman ku Ukrayna bi balafirên bê mirov heremên sînor û heremên nêzî Moskowê xistiye.
Rûsya: Me çar balafirê bê mirov û du fuzeyê Ukraynayê bêbandor kir
Daxuyaniya ku ji aliyê Wezîrê Parastina Rûsyayê ve hatiye dayîn, hat gotin:
“Parastina hewayî, balafirên bêmirov ên girêdayî Ukraynayê di ser heremên Bryansk, Smolens û Tulayê de îmha kir.”
Di heman demê de artêşa Rûsyayê bilêv kir ku du fuzeyên Ukraynayê ku li ser Behra Azakê berê xwe dabû Rûsyayê hat xistin.
Di daxuyaniyê de hat gotin: “Parastina hewayî ya Rûsyayê li ser qada avê ya Behra Azakê cîhê fuzeyên Ukraynayê tespît kir û bê bandor kir.”
Her wiha Ukrayna jî da zanîn ku parastina hewayî neh balafirên bê mirov ku li ser welêt digeriya heşt ji wan xistine xwarê.
Di salvegera Holodomorê de êrîşa rûsyayê
Ukraynayê ragihand ku Moskowê bi 75 balafirên bê mirov ve Kievê armanc kirin.
Êrîş dema Kiev Holodomorê ku dema Stalînê de bûbû sedema mirina bi mîlyonan kesên Ukranî bibîr tanî pêk hatiye.
Ji havînê ve Ukrayna ji bo hêzên Rûsî paş ve vekişîne êrîşên dijber daye destpêkirin û bi mehan bi balafirên bê mirov heremên Rûsî û Kirimê bombardiman dike.
Rûsya ji despêka şerê bi Ukrayna re êrişa herî dijwar a bi dronan re pêk anî
