Li Qudsê di encama gulebarana 2 êrîşkaran de 3 kesan jiyana xwe ji dest dan.
Hemwextî vê yekê, koma 6. a pevguhertina dîlan pêk hat.
Îsraîlê berdêla 16 girtiyan de, 30 filistînî serbest berda.
Danê sibê li Qudsê li rawestgeha otobusê ya Qudsê gule li sivîlan hate reşandin.
Di encamê de 3 kesan jiyana xwe ji dest dan û 6 kes jî birîndar bûn.
Heyva Sor a Îsraîlê ragihand ku yek ji kesên di êrîşê de hatine kuştin jineke 24 salî ye.
Hat destnîşankirin ku bûyer li gundê Ramotê ku li ser sînorê bakurê Qudsê rûdaye.
Rêveberê Emniyeta Qudsê Doron Torgeman diyar kir ku 2 terorîst bi wesayîtekê hatin cihê bûyerê.
Êrîşkar yekî bi çeka M-16 û yê din jî bi çekê din, li rawestgeha otobusê gule berdane sivîlan.
Hat ragihandin ku êrîşkarên ku diyar bû ji Qudsa Rojhilat hatine ji aliyê hêzên ewlehiyê û sivîlekî li cihê bûyerê ve hatin bêbandorkirin.
Di dîmenên kameraya ewlehiyê de ku ji televîzyona Kanala 12 ya Îsraîlê hat weşandin, tê dîtin ku otomobîlek spî li nêzî rawestgeheke qelebalix a otobusê disekine.
Piştî vê, çekdar bi çekên di destê xwe de guleyan berdide sivîlên li rawestgeha otubusê.
Netanyahu: Em ê hîn bêtir çekan li welatiyan belav bikin
Serokwezîrê Îsraîlê Benjamin Netanyahu yekser ji êrişê Hemas berpirsyar nîşan da.
Netanyahu destnîşan kir ku wê hîn bileztir çekan li welatiyan belav bikin û destnîşan kir ku ev tedbîr di têkoşîna li dijî terorê de her tim bandora xwe îsbat kiriye.
Yekem berteka li hember êrîşê ji Dewletên Yekbûyî yên Amerîka DYA hat.
Balyozê Amerîkayê yê li Îsraîlê Jack Lew got:
“Tişta ku vê sibê qewimî êrîşeke terorîstî ya hovane ye.
Em vê tundiya hovane bi awayekî eşkere şermezar dikin.”
Piştre Wezîrê Karê Derve yê Amerîkayê Antony Blinken ku li Tel Avîvê bû, êrîş şermezar kir û got:
“Bûyer careke din metirsiya ku her roj Îsraîl û Îsraîlî rûbirûyê wan dibin radixe ber çavan.”
Beşa 6.a pevguhertina dîlên di destê Îsraîl û Hemasê de pêk hat
Li aliyekî din, piştî dirêjkirina agirbesta navbera Îsraîl û Hemasê de, pevguhertina dîlan dewam dike.
30 Filistînî ku di nav wan de aktîvîstê sembola Filistînê Ahed Temîmî jî hebû, di berdêla 10 Îsraîlî, 4 Taylandî û 2 Rûs ên li Şerîda Xezayê dîl hatibûn girtin, serbest hatin berdan.
Agirbesta 24’ê Mijdarê di navbera aliyan de hatî ragihandin ji bo 2 rojên din jî hatibû dirêjkirin.
