Keştiya balafiran a Amerîkayê Kendava Hurmuzê derbas kir.
Fermandariya Leşkerî ya Navendî ya Amerîkayê (Centcom) derbarê vê yekê de daxuyanî da.
Amerîka hewl dide rê li milisên Îranê bigire ku dixwazin şer berfireh bikin.
Li aliyek din keştiyên piştgiriyê, bi dehan balafir û keştiyeke binê avê jî li herêmê hatine bicihkirin.
Keştiya balafiran a Amerîkayê USS Dwight D. Eisenhower bi nasnavê ‘IKE’ rêveçûna xwe ya li Kendava Basrayê didomîne.
Fermandariya Leşkerî ya Navendî ya Emerîkayê (Centcom) li ser malpera xwe ya înternetê daxuyanî da û wiha got:
“Koma Taarûzê ya Keştiya Balafiran a Dwight D. Eisenhower (IKECSG) li gorî plansaziyê di 26’ê Mijdarê de derbasbûna xwe ya ji Kengava Hurmuzê ya li Kendava Basrayê temam kir.”
Li vê herêmê ji bilî IKE du keştiyên balafiran ên Amerîkayê hene, keştiya şer a herî mezin a cîhanê USS Gerald Ford
ku ji meha Cotmehê ve li Behra Spî ye û USS Dwight D. Eise-nhower ji serê meha Mijdarê ve li Deryaya Sor bi cih bûye.
Her wiha keştiyên piştgiriyê, bi dehan balafir û keştiyeke binê avê jî li herêmê hatine bicihkirin.
Amerîka hewl dide rê li Milisên Îranê bigire
Armanca Amerîkayê ew e ku ji bo pêşiya mîlîsên Îranê ku hewl didin şer berfireh bikin, bigire.
Rojnameya Haaretz a Îsraîlî li gorî dîmenên satelaytê yên ku roja Duşemê hatine kişandin nivîsand ku keştiya balafiran IKE 100 kîlometre li başûrê peravên Îranê û 120 kîlometre li bakurê rojhilatê Qeterê ye.
Rojnameya Îsraîlîê dîmenên satelaytê ku “balafireke ku diyare li ber daketinê ye” weşand.
Malpera televizyona el-Mayadîn ku alîgirê Îranê ye li ser malpera xwe “dîmenên balafirên bêmirov ên Îranê” weşand.
