Îro li gelek lîderên welatan ji bo beşdariya zîrveya COP28 yê avhewayê kom dibin.
Armanc ji zîrveyê çareserî ji krîza avhewayê, germahiya kurewî bê dîtin.
Lê li aliyek din metirsî hene ku bi pêşengiya Îmaratê ku xwedî hilberînerê petrolê ye ji bo berjewendiyên xwe bi welatên din re bazariyan bike.
Tişta tê hêvîkirin û hesabên tê kirin wê encama zîrveyê de diyar bibe.
Lîderên cîhanê dê di Konferansa Guhertina Avhewayê ya Neteweyên Yekbûyî (COP) ya li Dubaiyê de werin ba hev û li ser krîza avhewayê nîqaş bikin.
Di konferansa ku dê îsal cara 28’emîn bê lidarxistin de, dê guherîna avhewayê çawa bê sînordarkirin û di pêşerojê de divê çi bê kirin dê bê axaftin.
Lûtkeya ku wê li Îmaratê bê lidarxistin, wê ji 30’ê Mijdarê heta 12ê Kanûnê bidome.
COP, ku tê wateya “Konferansa Aliyan”, rêxistinek e ku welatên ku di sala 1992’an de peymana guherîna avhewa îmze kirine, tîne cem hev.
Li Îmaratê li darxistina zirveyê mijara nîqaşê ye
Îmarat di cîhanê de yek ji 10 welatên herî mezin hilberînerên petrolê ye.
Petrol wek komirê çavkaniyeke sotemeniya fosîl e.
Fosîl wekî sedema sereke ya guherîna avhewayê têne dîtin ji ber ku, dema ku têne şewitandin, gazên wekî karbondîoksîtê ku cîhanê germ dike derdixin.
Şîrketa bi serkêşiya El Cebîr dixwaze kapasîteya xwe ya hilberîna petrolê berfireh bike.
Li gorî belgeyên ku BBC dîtiye, Îmarat dixwaze rola xwe wekî mêvandar bikar bîne da ku peymanên nû yên neft û gazê çêbike.
El Cebir her wiha rêvebirê şîrketa enerjiya nûjen Masdar e ku dixwaze ji teknolojiyên paqij ên wekî enerjiya ba û rojê sûd werbigire.
Girîngiya COP28 yê avhewayê
Di konferansê de tê payîn ku armanca ku germahiya kûrewî di 1,5 pileyî de domdar bimîne, wekî ku di sala 2015’an de li Parîsê hate pejirandin, vejîne.
Li gorî Panela Guhertina Avhewayê ya Navdewletî ya Neteweyên Yekbûyî (IPCC), ji bo ku erd ji krîza avhewayê bi giranî bandor nebe, germbûna 1,5 pileyî girîng e.
Germahiya demdirêj li gorî pêş-pîşesaziyê niha li dora 1,1 û 1,2 pileyî ye.
Lê belê li gorî lêkolînên dawî, tê pêşbînîkirin ku heta sala 2100’î dinya 2,4 û 2,7 pile germ bibe.
Armancên din ên konferansê lezkirina derbasbûna çavkaniyên enerjiya paqij heta sala 2030’an e
û berhevkirina alîkariya darayî ji bo welatên xizan ji bo têkoşîna krîza avhewa ye.
