Komelgeha Jinên Azad a Rojhilatê Kurdistanê KJAR’ê bi daxuyaniyeke nivîskî bal kişand ser zextên li ser girtiyên jin û diyar kir ku desthilata îran her dem jinên azadî xwaz hedef digre her wiha KJAR’ê bang kir ku çalakgerên civakê bibin dengê girtiyan.
Komelgeha Jinên Azad a Rojhilatê Kurdistanê (KJAR),têkildarî zextên li ser girtiyên jin, girtiya siyasî Zeyneb Celaliyan û endama KJAR’ê Werîşe Mûradî ya ji aliyê îstîxbarata Îranê ve hatiye revandin û agahî jê nayê girtin daxuyaniyeke nivîskî da.
Di daxuyaniya niviskî de hate diyar kirin ku girtiya siyasî Zeyneb Celaliyan careke din kirine bin lêpirsînê û wiha hate gotin:
Zeyneb Celaliyan a ku cezayê muebed li hatiye birîn careke din kirine bin lêpirsînê. Ev 16 sal in Zeyneb Celaliyan tevî tundiya hikumeta faşîst a Îranê gavên xwe paşve ne avêt. Niha ew li girtîgeha Yezdê ye û gelek nexwşiyên wê hene û nayê tedawî kirin. Her diçe ronahiya çavên wê kêm dibin.
KJAR’ê destnîşankir ku dewlata Îranê her dem jinên di warê nasname û hebûna xwe de diaxivin hedef digrin.
Rejîma Îranê ya li dijî hebûna jinê ew bi xwe jî ji azadiya jinê ditirse. Lewma her dem jinên ku xwedî fikreke azad bin wan hedef digre mîna hevrêyên me Werîşe Muradî û Nergîs Muhammedî. Desthilata Îran her dem tundiyê li ser jinên di girtîghan de zêde dike.
Lê têkoşîn û berxwedana jina di nav dîwarê zindana de ji mere diyar dike ku ti carî Rejîm bi zextan negihîşt armanca xwe. Ne îdam ne cezayê muebetê ne jî tundî dê armancên rejîmê pêk neynine.
Di dawiha daxuyaniyê de Komelgeha Jinên Azad a Rojhilatê Kurdistanê KJAR’ê banga piştgiriya girtiya kir.
Di têkoşîna li Rojhilatê Kurdistan û Îranê de gelek jinan xwe feda kirin. KJAR’ê her dem bawer kiriye ku girtîgeh, kelehên têkoşîn û berxwedanê ne. Em ê ji bo azadiya jinan têkoşîna xwe bidomînin û ji hemû aktivîstên sivîl û siyasî dixwazin ku bibin dengê girtiyan.
