Piştî 17 salan carek din wê li Kerkûkê hilbijartin were kirin.
Em behsa hilbijartinên encûmenên parêzgehên Iraqê dikin ku ji bo wê tenê 4 roj mane.
Li Kerkûkê di nava sê neteweyan de 15 kursî wê werin hilbijartin.
Lê ji ber lîstokên PDK û dewleta Tirkiyê Kurd bi 5 lîsteyên cûda tevlî hilbijartinê dibin
Nexasim ev bê tifaqiya Kurdan, ji bo hilbijartina ku wek şerek netewî ye tê bi navkirin metirsiyên mezin ava dikin.
Piştî 17 salan carek din li Kerkûkê hilbijartina ji bo meclisê tê kirin.
Biryare di 18’ê mehê de hilbijartinên encûmenên parêzgehên Iraqê pêkbê.
Li Kerkûkê Kurd, Ereb û Tirkmen hene, heryek ji vane bi çend lîsteyên cûda tevlî hilbijartinan dibin.
Hilbijartina di navbera pekhateyên de, wê hilbijartin qedera nasnameya Kerkûkê jî diyar bike.
Li parêzgeha Kerkûkê 11 lîste û hevpeyman ji bo bi destxistina 15 kursiyên meclisê wê bikevin pêşbirkê.
Lê tenê Kurd wê bi 5 lîsteyên cûda tevlî hilbijartinan bibin.
Lîsteyên Kurdan jî;
Ji ber siyasta PDK’ê kKurd li Kerkûkê bi lîsteyekê tevlî hilbijartinê nabin.
PDK niha bi Tirkmen û Erebên Sunî re di yek lîsteyê de, diçe hilbijartinê.
Lîsteya Ereb û Tirkmenan heye, 3 namzetên serbixwe jî dikevin pêşbirkê.
Di hilbijartina encûmenên parêzgeha Kerkûkê de, milyonek û 153 hezar û 400 kes mafê wan ên dengdanê heye.
Dîroka hilbijartina encûmenên parêzgeha Kerkûkê
Hilbijartina yekem ya encûmenên parêzgehan a Kerkûkê, 2005’an pêkhat.
Wê demê ji bo 41 kursiyan pêşbirkê hebû.
Lîsteya Birayetî ya wê demê ya aliyên Kurdan bû, piraniya kursiyên meclisa Kerkûkê bidest anî.
Yanî Kurdan di sala 2005’an de ji 41 kursiyan, 26 bidest xist.
Eniya Tirkmenan ku alîgirê dewleta Tirk a dagirkere, tenê karî 9 kursî bidest bixe.
Herwiha pêkhateya Ereban jî 6 kursî bidest xist.
Cudahiya hilbijartinên îsal: Dek û dolabên PDK û dewleta Tirkiyê
Lê hilbijartinên vê carê cûdaye…
Ji bo ku carek din Kurd walîtiya Kerkûkê bidest nexin, piraniya welatên cîran ketine nava liv û tevgerê.
Bi taybet jî dewleta Tirk a dagirker, PDK’ê Tirkmen û Erebên Sunî bikartîne.
Hewldana wan ya herî dawî jî, jibo paşxistina hilbijartinê li dadgeha Federal ya Iraqê gilî kirin bû.
Lê duh dadgehê ev daxwaz û gilî red kir.
Parçebûna Kurdan a di hilbijartinan de bûye cihê metirsiyan
Kurd dixwazin li Kerkûkê piraniya kursiyên meclisê bidest bixin, bi vê yekê dixwazin dawî li desthilata şovenî bînin.
Ji ber ku desthilata niha hewl dide Kurdan ji erkên wan ên herî girîng durbixe.
Lê li gorî çavdêran, ji ber parçebûna Kurdan wê encamên van hilbijartinan ne di berjewendiya Kurdan de be.
