Koordînasyona PAJK’ê li ser malpera xwe ya înternetê nirxandinek weşand, bal kişand ser polîtîkayên şerê taybet ên li ser gelê Kurd û hêzên azadîxwaz û got: “Serketina ji bo me; li dijî şerê taybet ê giran, bi ferzkirina şerê gel ê şoreşgerî yê giran dibe.”
Koordînasyona PAJK’ê li ser malpera xwe ya înternetê nirxandinek weşand.
PAJK’ê di nirxandina xwe de bal kişand ser polîtîkayên şerê taybet ên dagirkeriya Tirkiyê û got:
“Ji roja pergala dewletparêz a serdestiya mêr ava bû û hetanî roja me ya îro hebûna xwe timî bi şeran ve parastiye.
Taybet li kurdistanê şerê taybet di asta jorde tê meşandin.
Armanç ewe ku hemû civakê bê îrade bihêle û radest kirina wan a ji desthilatdariyê re hêsan bike.
Lê Serketina ji bo me; li dijî şerê taybet ê giran, bi ferzkirina şerê gelşoreşgerî yê giran dibe.”
PAJK: Rêber Apo bi berxwedana xwe şerê taybet vala derxist
PAJK’ê balkişand li ser şerê taybet ku dewleta Tirk li dijî Rêber Apo dimeşîne û ev nirxandinkir:sîstema çarmix şerê taybet li ser Rêber Apo bixînin dewrê û domad:
“Navenda bingehîn a rejîma şerê taybet a ku bi destê hêzên serdest ve tê rêvebirin, Rêber Apo ye.
Xwastine ku bi pergala çarmix a ku bi talîmata NATO yê ve hat rêxistin kirin bi şêweyek sîstematîk bixînin dewrê.
Ji êrîşa fîzîkî ya her cûre bigirîn û hetanî êrîşên derûnî ev pêla êrîşê her ku çûye mezin bûye.
Di pêvajoya dawî de jî hewl dane bi polîtîkaya tecrîd a kûr kirî ve vê pêvajoyê rêvebibin.
Rêbertî ew hemû nêzîk bûyîn bi berxwedana xwe ya bêhempa vala derxistiye.”
PAJK: Xwedî derketina şoreşê erka jinê ye
Koordînasyona PAJK’ê şerê taybet yê li ser Rojava yê kurdistanê jî nirxan û got:
“Kirinên şerê taybet ên li ser qada Rojava di serkêşiya dewleta Tirk a faşîst de bi konseptek hevpar ve tê meşandin.
Di nava vê êrîşê de rejîma Sûrî jî, hêzên îxanetkar ên wekî PDK’ê jî û avaniyên çete yên wekî DAIŞ’ê jî cihê xwe digirin.
Li vê derê jî dijmin hewl dide bi belav kirina bikar anîna madeyên hişber û fihûşê ve exlaqê civakê xerab bike.
Hewl didin bi vê rêyê ve baweriya ku bi şoreşê tê ya gelan bişikînin.
Bi bingehê rêxistin kirin û sorkirina hinek eşîretan ve dixwazin nakokiya Ereb-Kurdan biafirînin.
Xwedî derketina şoreşê erka jinê ye.”
PAJK: Li hember her cure êrişê perspektîfa bingehîn berxwedana topyekûne
Koordînasyona PAJK’ê herî dawî ew bang kir:
“Em di pêvajoyek ku dijmin li her qadê êrîşên cidî rêvedibe de ne.
Bêyî ku kêliyekê rastiya dijminê qirker û mêtînger ji bîr bikin, hemû êrîşên wî vala derbixînin.
Li hemberî her cure erîşê ji bo me jî perspektîfa bingehîn berxwedana topyekun e.”
