Siyasetmedarê kurd Selahattîn Demîrtaş ku ji doza Kobanê tê darizandin îro parastina xwe dewam kir.
Di runiştina dozê de Demîrtaş diyar kir doza Kobanê, operasyona dewletê ye û got:
Tişta ku desthilat dixwaze di şexsê vê dozê de bidomînin, pêvajoya avakirina rejîma nîjadperest e.
Demîrtaş anî ziman ew di têkoşîna xwe ya ji bo aştiyê de mafdar in û zû yan jî dereng wê teqez bi ser kevin.
Doza Kobanê ku bi hinceta çalakiyên 6-8’ê Cotmeha 2014’an li dijî êrişên DAIŞ’ê yên ser Kobanê, hatiye vekirin dewam dike.
Hevserokên Giştî yên Partiya Demokratîk a Gelan HDP jî di nav de û 18 jê girtî bi giştî 108 kes jê tên darizandin.
Doza ku li Girtîgeha Sîncanê a Enqreyê hat lidarxistin, gelek siyasetmedar bi rêya Pergala Deng û Dîmen tev li bûn.
Selahattîn Demîrtaş: Doza Kobanê, operasyona dewletê ye
Selahattîn Demîrtaş di rûniştina îro de parastina xwe domand û diyar kir doza Kobanê, operasyona dewletê ye.
Demîrtaş anî ziman bi vê doza kompasê re pergal û dîzayneke nû hate afirandin û wiha got:
Ji ber AKP’ê nekarî bi tena serê xwe bibe desthilatdar dest bi vê kompasê kir. Piştî serketin û heqîqeta HDP’ê ya di hilbijartinên 7’ê Hezîranê de hate dîtin, AKP-MHP û Ergenekonê di navbera xwe de tifaq çêkir.
Selahattîn Demîrtaş: Dewlet niha MHP ye û edî ew birêve dibe
Siyasetmedarê kurd Selahattîn Demîrtaş diyar kir dewlet niha MHP’ye û got, Pergala nû ya dewletê ev e.
Selahattîn Demîrtaş: Di şexsê dozê de dixwazin, pêvajoya avakirina rejîma nîjadperest bidomînin
Demîrtaş bi lêv kir tişta ku desthilat dixwaze di şexsê vê dozê de bidomînin, pêvajoya avakirina rejîma nîjadperest e û wiha bal kişande li ser helwesta muxalefeta Tirkiyê jî.
Lê muxalefet ne xwedî wê têgehiştinê ye ku vê yekê bibîne û hemû firsendan winda dike. Derfetên di hilbijartinê de derketin holê hatin pûçkirin. Muxalefeta ku derdora ji sedî 60-70 ye, li gel hev nehate girtin. Şaştiya herî mezin a muxalefetê ew e ku nikare ji kurdan re bibêje kurd, ji sosyalîstan re bibêje sosyalîst.
Selahattîn Demîrtaş: Em sûcdar nînin, mafdar in
Hevserokê giştî yê HDP’ê yê berê Selahattîn Demîrtaş dawi anî ziman her ku ew aştiyê esas digrin, dethilat berê xwe dide şer û got:
Em sûcdar nînin, mafdar in. Zû yan jî dereng wê kesên mafdar teqez bi ser kevin.