Di navbera Rûsya û Ukraynayê de pevguhertina leşkerên girtî pêk hat.
Di çarçoveya pevguhertinê de 195 leşkerên Rûsî û 195 jî Ukranî yê girtî hatin berdan.
Li aliyê din Serokê Rûsyayê Vladimîr Pûtîn diyar kir ku balafira Rûsyayê li herêma Belgorodê ji aliyê pergala Patriot a Amerîkayê ve hatiye xistin.
Wezareta Parastinê ya Rûsyayê ragihand ku di çarçoveya pevguhertina girtiyan a bi Ukraynayê re 195 leşkerên Ukraynayê li hemberî 195 leşkerên Rûsyayê serbest hatin berdan.
Di daxuyaniyê de ev tişt hat gotin:
“Di encama pêvajoya danûstandinê de 195 leşkerên Rûs ji axên di bin kontrola rêveberiya Kîevê de hatin derxistin.
Li hember vê yekê 195 leşkerên Hêzên Çekdar ên Ukraynayê radestî wan hatin kirin.
Leşkerên Rûs ji bo dermankirinê li navendên tenduristiyê yên girêdayî Wezaretê dê bi balafiran sewqî Moskovayê bibin.
Ji leşkerên hatin berdan re piştgiriya tibî û derûnî tê kirin.”
Serokomarê Ukraynayê Volodymyr Zelenskiy jî li ser medyaya civakî der barê pevguhertina girtiyan da daxuyanî da û got:
“207 leşker û sivîlên me vegeriyan malên xwe.
Em ê her kesên ku hatin girtin vegerînin. Ji bo vê xebat dewam dikin.”
Putin: Balafirê Rûsî ji hêla patriota Amerîkayê hat xistin
Serokê Rûsyayê Vladimîr Putîn li paytexta Moskowayê bi nûnerên rayedar ên hilbijartinê re hevdîtin kir.
Pûtîn diyar kir ku balafira Rûsyayê ya ku 74 kes jê 65 girtiyên Ukraynayî tê de bûn, ji aliyê pergala parastina hewayî ya Amerîkayê Patriot ve li herêma Belgorodê hat xistin.
Pûtîn bal kişand ser vê yekê ku Ukraynayê bi xistina balafirê “sûc” kiriye û got:
“Welatên Rojavayî hewl dane vê bûyerê “veşêrin” û divê derbarê bûyerê de lêpirsîneke navneteweyî bê kirin.
Putin: Emê pêvajoya pevguhertina girtiyan nedin sekinandin
Pûtîn balkişand li ser pêvajoya pevguhertina leşkerên ku di şerê navbera Rûsya û Ukraynayê de dîl hatine girtin.
Putîn diyar kir ku hejmara girtiyên Ûkranî 10 qat ji hejmara girtiyên Rûs zêdetir e.
Pûtîn destnîşan kir ku divê pêvajoya pevguhertina girtiyan bidome û wiha got:
“Em ê vê pêvajoyê nedin sekinandin. Pêwîste leşkerên xwe paşve vegerînin.”
