Îro salvegera 18’emîn a şehadeta jina têkoşer Viyan Sorane… Viyan Soran ruh û bedena xwe ji bo azadiya jinê û gelê xwe feda kir û li çiyayên Kurdistanê bû sembol û çiraya azadiyê. Îro Gerîlayên Azadiyê li li çiyayên Kurdistanê dijî dagirkeriyê, bi rûhê berxwedana Viyan Soran ji bo azadiya Kurdistanê berxwedan û têkoşînek dîrokî didin.
Li dijî tevgera azadiyê komploya navnetewî pêkhatibû û xeta xiyanetê li ser kar bû.
Gerîlaya azadiyê Viyana Soran li dijî komplo û xeta xiyanetê çalakiya fedaî kir û ji bo Rêber Apo vê meya mê li du xwe hişt:
“Ji ronahiya şevên tarî Rêber Apo re!
Ez bi hesreta wê yekê bûm ku tenê ji bo kêliyekê be jî te ji nêz de bibînim.
Di derbarê azadiya xwe, jin û gelê xwe de bi te re guftûgo bikim.
Lê belê di sala 1998’an de komploya qirêj a navnetewî ji hundur û derve de ketin navbera min û te û bi hezaran
kesên wekî min ku ji bo dîtana te di heman hest û heviyê de bûn.”
Şehîd Viyan Soran li dijî dagirkerî, zilm, binpêkirinên mafan û bê edaletê bû sembola azadiyê.
Leyla Walî Hûseyîn bi nasnav Viyan Soran di sala 1981’an de li bajarê Silêmaniyê hatiye dinê.
Viyan ji eşîreta Caf e.
Di sala 1997’an li dijî pergala mêr ya di nava eşîret û malbatê de biryara ketina ser rêyeke nû dide û beşdarî nava refên PKK dibe.
Malbata Viyan ji bo wê paşde vegerînin her cûre hewldanê dan lê, nekarîn Viyan ji rêya azadiyê qut bikin û wê ji vê rêyê vegerînin.
Têkoşîn û lêpirsînên Viyan bi beşdarbûna nava PKK’ê re vegûherî qonaxeke hîn dijwartir û bilindtir.
Li dijî êrişên hindir û navxweyî yên li hember felsefe û fikrê Apoyî têkoşîneke bê eman da.
Viyan di sala 2004’an de di nava komîteya ji nûve avakirina PKK’ê de cih girt.
Di rêveberiya PKK’ê û fermandariya YJA-Star’ê de cih digirt.
Viyan Soran şeva 1 li ser 2’yê Sibatê sala 2006’an li herêma Heftenînê li dijî komploya navdewletî ya li hember Rêber Abdullah Ocalan û hewildanên tasfiyekirina PKK’ê ya di hundir de çalakiyek fedayane lidarxist û li pey xwe jî çend name hişt.
Ji berî çalakiya xwe di nameyên ku nivîsîn de ev peyam da;
“Ez dixwazim vê ji we re bêjim; êdî dema wê hatiye ku, bibim bersivek ji bo dewletên desthilatdar, zilamên zordar û derewîn.
Ji bo vê jî şeva 15’ê Sibatê dikim şeva sizakirina wan û mîna volqanekî nefreta hûndirê dilê xwe diteqînim.
Banga min jî, banga parastina Rêber Apo, bilindkirina çalakî û tekoşîna gihîştina serkeftinê ye.”
Îro Gerîlayên Azadiyê li li çiyayên Kurdistanê dijî dagirkeriyê, bi rûhê berxwedana Viyan Soran ji bo azadiya Kurdistanê berxwedan û têkoşînek dîrokî didin
