Rûsya û Ukraynayê cara sêyemîn leşkerên dîl girtî bi hev guhertin.
Rûsyayê 100 û Ukraynayê jî 100 leşker bi navbeynkariya Îmaratê berdan.
Serok-dewletê Ukraynayê Zelensky jî Fermandarê Giştî yê Artêşê ji wezîfeyê girt.
Serok-dewletê Rûsyayê jî eşkere kir ku welatên Rojavayî nikarin li qada şer Rûsyayê têk bibin û banga lihevkirinê kir.
Ji destpêkirina şerê Rûsya û Ukraynayê ve cara sêyemîn bi hev gurtina leşkerên dîl girtî pêk hat.
Di çarçoveya lihevkirinê de Rûsyayê 100, Ukraynayê jî 100 leşkerên dîl girtî serbest berdan.
Têkildarî mijarê Wezareta Parastinê ya Rûsyayê daxuyanî da.
Di daxuyaniyê de hate diyar kirin di pêvajoya danûstandinan de ji erdên bin kontrola Kîevê 100 leşkerên Rûs hatine wergirtin û wiha hate gotin;
“Li beramberî vê yekê 100 leşkerên artêşa Ukraynayê hatin teslîm kirin
Leşkerên Rûs ji bo di navendên tenduristiyê ya wezaretê de derman bibin wê ji bo Mosko werin şandin.
Îmaratê di serbest berdana leşkerên Rûsyayê de rola navbeynkariya mirovî girt ser xwe.”
Serok-dewletê Ukraynayê Volodimir Zelensky jî têkilkdarî bi hev guhertina dîl girtiyan li ser medya dijîtal daxuyanî da.
Zelensky got, “100 leşkerên me vegeriyan malên xwe. Heta niha 3 hezar 135 Ukraynayî ji esareta Rûsyayê hatin rizgarkirin.”
Herî dawî di navbera Rûsya û Ukraynayê de bi hev guhertina dîl girtiyan 31’ê Çile pêk hatibû, Rûsyayê 195 û Ukraynayê jî 195 leşker serbest berda bûn.
Zelensky fermandarê artêşê Valery Zalujniy ji wezîfeyê girt
Li aliyê din Volodimir Zelensky Fermandarê Giştî yê Artêşê Valeriy Zalujny ji wezîfeyê girt.
Zelensk li şûna Zalujny, Fermandarê Hêzên Bejahî yê Ukraynayê Aleksandr Sirskiy erkdar kir.
Sirskiy yê 58 salî di deh salên dawiyê de ji bo ku artêşa Ûkraynayê li gorî pîvanên NATO’yê tevbigere dixebite.
Dest guhertina erkê Zelensky li ser hesabê xwe yê medya dijîtal ragihand.
Zelensky got, “Min bi general Valeriy Zalujniy re hevdîn kir. Ji ber du salan Ukrayna parast min spasiya wî kir. Min jê xwet weke beşekî ekîbê bimîne.”
Pûtîn: Welatên Rojavayî serwext bûn ku nikarin Rûsyayê têk bibin
Serok-dewletê Rûsyayê Viladimir Pûtîn jî ji destpêkirina şerê li Ukraynayê û şûnde cara yekemîn bi rojnamevanekî Amerîkî re hevpeyvîn kir.
Pûtîn diyar kir armanca Rûsyayê ya ku şerê li Ukraynayê derbasî welatekî din bike nîne û eşkere kir ku ew hê jî li Ukraynayê negihiştine armanca xwe.
Vladimir Pûtîn ji bo lihevkirineke li Ukraynayê bang li Amerîkayê kir û wiha got,
“Bi Rûsyayê re danûstandin kirin ne baştire? Em li hev bikin. Rêzê nîşanî welatê me û bejewendiyên me bidin û li çareseriyê bigerin. Divê xaka Ukrayna ji Rûsyayê re bê hiştin.”
Pûtîn anî ziman, welatên Rojavayî lê serwext bûn ku nikarin Rûsyayê li qada şer têk bibin û got,
“Ji ber vê jî pêwîste ne bi serketina leşkerî, bi lihevkirinê şer bi dawî bibe.”
