Li seranserî cihanê zarok timî dibin mexdurên şer û bi koçberî, mirin, birçîbûnê re rû bi rû dimînin.
Her çend mehan carekî sazî û rêxistinên sivîl dane û bîlançoyên şer parve dikin.
Li gor daneya rêxistina Save the Children jî sala borî zêdetirî 10 mîlyon zarok ji cîh û warê xwe bûne.
Rêxistina Save The Children ku parastina mafên zarokan, li ser başkirina jiyana wan dixebite daneyekê parvekir.
Li gor analîza Save the Children ji sala 2010 vir ve li seranserî cîhanê 50 mîlyon zarok ji cihê xwe bûne.
Rêxistinê da xuyakirin sala borî li heremên krizê rû dide ji 10 mîlyon zêdetir zarokan neçar mane mala xwe biterikînin.
Yên herî zêde ji cîh û warbûnê bandor bûne zarokên di bin temenê 18 salî de li Sudan û Somalî ye.
Rayedarên rêxistinê di daxuyaniyê xwe de wiha parve kirin:
“Zarokek ji cihê xwe bûye dibe şahidê tundiya ku divê tu zarok nebîne.
Dema zarok mala xwe winda dikin hema hema her tiştê xwe winda dikin.
Her wiha ji xizmetên tenduristiyê, perwerde, ewlehiyê û xwarinê bê par dibin.”
“Li şerê Xezayê zêdetirî 10 hezar zarok hat kuştin”
Di dawiya sala 2023’yan de, rêjeya jicîhûwarbûnê bi nifûsa giştî ya li Xezayê tenê di 10 hefteyan de yek ji herî zêde bû ku heya niha li seranserê cîhanê hat tomarkirin.
Zarokên li Xezayê, ku nîvê nifûsa wê di bin 18 salî de ye, ji ber leza jicîhûwarkirinê bi taybetî mexdûr mane.
Save the Children diyar kir ku ji bilî pêdiviyên jiyanî, pêdiviya zarokan bi ewlehî, perwerde, stargeh, tenduristî û cihê lîstik, û hînbûnê heye.
